陳澔賢醫生

陳澔賢醫生醫生- 尋醫經歷詳述:
牙肉流血好耐，並且牙肉好腫；
屋企替我在元朗找牙醫，搵到了陳澔賢醫生....
陳醫生很詳盡解釋我牙周病的成因 和 制定左治療方案....
原來咁多年我都刷錯牙！！！導致有牙周病；

做左幾次treatment，牙肉消腫，刷牙無再流血！

值得一提，陳醫生有D藝術家性格....
做牙周病treamtent 第一次，已經捉住我隻手當我小朋友咁教刷牙......刷唔乾淨仲唔俾我走XD

我無左隻小臼齒，遲下都會搵陳醫生種返！

小小貴，但有效！
元朗價錢中環級數

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

陳澔賢醫生醫生- 尋醫經歷詳述:
陳醫生脫牙唔痛，對老人家有耐性有禮；
新搬入元朗，帶老人家睇牙。 老人家極怕痛，陳澔賢醫生打針溫柔，好快脫了3隻牙。老人家都好滿意
3個月後回去鑲牙

簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 不可多得，值得等待

陳澔賢醫生醫生- 尋醫經歷詳述:
種牙真係要搵陳醫生！ 今日隻種牙已經用左兩個月返去覆診，完全無不適！ 好滿意

大半年前上面隻大牙裂左，咬親野就痛。 元朗朋友介紹睇陳醫生。
醫生詳細檢查，影x光之後，俾我選牙套 或者 脫牙做種植牙； 我唔想有手尾跟， 所以寧願mok左佢換過隻算數。包曬所有野大概2萬幾蚊左右
mok牙過程陳醫生都算快手熟練，中途斷左牙腳搞左20分鐘，總算清曬出來，不過打針出奇唔痛。 mok左牙之後等左兩個月，照埋3D片就安排種牙。 值得一提，陳醫生 診所有埋3D片設備，唔洗特登出九龍影，省錢省時間。
種牙過程大概30分鐘。消毒過程做足，中途會有塊布矇眼反而無咁緊張。
手術仲舒服過mok牙。 麻醉藥過後微微痛左2日，無咩大反應，可能係因為我唔洗加骨。反而聯針條線刺住我唔舒服。
隻種牙同牙骨兩個月之後癒合，陳醫生幫我度身訂做隻新牙返來。佢地診所訂做既種牙同主流唔一樣。原來有個螺絲口可以隨時將個假牙套同支種牙分開，方便日後有事唔洗成個牙磨爛佢。 安左假牙俾我食兩個月，e+習慣曬好似真牙咁， 今日我返去覆診幫我將個螺絲口封好。 仲有一年保養。
頭頭尾尾都成4-5個月，幾長時間，但每個步驟做足，好安心

簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 不可多得，值得等待

陳澔賢醫生醫生- 尋醫經歷詳述:
已經係第三年返去陳醫生到洗牙！

Reception寬闊，非常舒服。 洗牙之前醫生仔細詢問牙齒狀況 和 仔細檢查所有牙齒，過程有禮貌。今次返去仲讚我牙齒保養乾淨，仲話除左洗牙無生意可以同我做XD

最令我滿意既係， 醫生洗牙時候會區分上下排牙，中途會主動坐我起身俾我漱口休息抖淡氣。本人最害怕就是洗牙中途俾水啃親。另外值得一讚！


簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 優質醫療服務理應如此

陳澔賢醫生醫生- 尋醫經歷詳述:
本身一路有口氣問題，以為排牙唔乾淨；
朋友介紹來問陳醫生洗牙， 陳醫生詳細檢查洗牙後，發現原來下智慧齒出得一半蛀牙所以有口氣問題！
醫生有俾塊鏡我一齊睇，詳細解釋，讚！
解釋完仲俾時間我慢慢考慮，無hardsell 感覺。

結果思前想後都係決定長痛不如短痛，加埋醫生風險解釋清楚，一次過脫埋。
雖然智慧齒打橫，但醫生用微創方法最後唔需要開刀都脫到出來。打針溫柔唔痛！仲會一邊打針一邊安慰你

X光450， 微創脫3000，包藥費



簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 已視為本人的必然選擇