香港睇醫生網首頁
醫療劵
陳澔賢醫生

陳澔賢醫生

Dr Chan Ho Yin

註冊專科:
[ 牙科 ]
特快預約
Tel:
28988851
專業資格:
香港大學牙醫學士
倫敦英皇家學院臨床牙科碩士(固定及活動修復齒科)
愛丁堡皇家外科醫學院植齒學文憑
格拉斯哥皇家醫學院牙科學系院員
愛丁堡皇家外科醫學院牙科學系院員
Bachelor of Dental Surgery HKU
MClinDent(Fixed and Removable Pros KCL)
Diploma in Implant Dentistry RCSEd
Diploma of Membership of the Faculty of Dental Surgery RCPS(Glasg)
Diploma of Membership of the Faculty of Dental Surgery RCSEd
提供醫療程序及手術:
種植牙
電腦導航種植牙
鼻竇提升(Sinus Lift)加骨
隱適美
透明矯齒
Damon鋼絲矯齒
根管治療
牙周病
微創智慧齒拔除
阻生智慧齒拔除
其他資料:
荃灣青山公路285號運通洋樓地下B舖(陳澔賢牙科中心)
Shop B, G/F,Winning Heights, 285 Castle Peak Road, Tsuen Wan
元朗大馬路2號保安樓地下梁東華牙科診所
Tel:28988851
收費:
$300起兩日藥
診症時間:
星期一︰0930-1900
星期二︰0930-1900
星期三︰0930-1900
星期四︰0930-1900
星期五︰0930-1900
星期六︰0930-1300
星期日及公眾假期 : 休息
陳澔賢醫生名片
使用醫院或其他服務診所:
診所以外提供的服務:
關愛基金
醫療券


  # 33615
報告:
• 診症日期 : 2021年10月29日
• 求診目的 : 專科治療 牙周病
• 診金收費 : ~ $ 10000
• 輪候時間 : 需預約等候頗長
• 選尋原因 : 本網評譽參考
總評 10 / 10
專業態度 :
 10
對症下藥 :
 10
診金合理 :
 10

陳澔賢醫生 - 尋醫經歷詳述:

我現時在陳澔賢牙科醫生處跟進我的牙周病,很理想,陳醫生和鄺洗牙師都很專業。
之前後牙牙肉持續腫痛了一段時間,睇開既牙醫話我有嚴重牙周病,需要做手術令我十分擔憂。但我半醒半疑,所以向陳醫生求診拿多個意見。

陳醫生向我細心解釋,由於我好耐之前缺了一隻大牙無補返,導致後面大牙嚴重傾斜形成了一個虛位藏細菌和食物,所以成日牙肉會腫痛。就算做手術都無辦法逆轉,讓我考慮脫除,其他牙齒的牙周病反而不太嚴重可以保留。我最後跟從陳醫生建議脫了那個大牙,因為最後大牙進食沒有太大幫助。 醫生亦都非常中肯,著我不需要補回那個牙齒了,因為牙骨流失。
之後我便接受了全口的牙周病治療,並且現在保持4~6個月就會覆診洗牙一次。治療過程是醫生負責打針,洗牙師負責洗。洗牙師鄺小姐我感覺比牙醫洗得更加細心,大概是因為洗牙師只專做洗牙和清潔的緣故!

很推薦在這裡進行大家牙周病治療和覆診

簡評:
個人觀感- 醫術精湛、鉅細無遺
經歷過程- 求診病人實在太多,等候需時
推介意見- 值得向有需要人仕推介

  # 33170
報告:
• 診症日期 : 2021年7月3日
• 求診目的 : 專科治療 剝智慧齒
• 診金收費 : ~ $ -
• 輪候時間 : 需預約等候片刻
• 選尋原因 : 本網評譽參考
總評 10 / 10
專業態度 :
 10
對症下藥 :
 10
診金合理 :
 10

陳澔賢醫生 - 尋醫經歷詳述:

衷心多謝陳澔賢醫生🙏🏻因為工作關係到依家先整理好篇評論。
先講下自己嘅情況,2/7朝早無端端開始牙痛,食嘢都食唔到,食止痛藥後返工,發現係完全0作用,到夜晚已經痛到講唔到嘢(會lur下lur下咁),照鏡望啲牙肉又紅又腫,即刻上網search牙醫,因為想快啲搞掂,於是只係就近揀咗間區內嘅牙醫,而且有得wts預約嘅,就搵到陳澔賢醫生。
3/7前一晚痛到瞓唔到,嘢又食唔落,一心只想快啲解決。上到診所,好大好舒適,有別一般牙科診所,唔會有陣怪味同壓迫感,仲會播下音樂,氣氛令人放鬆。前台有幾位姑娘,態度親切友善,完全無發生之前睇到一個留言話佢哋黑面之類。照過電腦掃描,醫生檢查完話係智慧齒導致發炎,長遠嚟講建議我剝咗佢,如果唔係只可以靠藥物止痛消炎,但之後會定期返發。成個過程無強逼成分,陳醫生甚至直接講「你可以去第2個牙醫度剝都得架」,仲俾我坐喺出面慢慢考慮,因為價錢同我心目中有出入,我最終決定攞咗消炎止痛藥先再睇吓點。
過咗幾日,藥都就嚟食完,可以講到嘢同食到流質食物,但仍然未完全消腫,開始有啲擔心,於是嘗試wts陳醫生(去睇過一次後會主動話有咩問題可隨時詢問,佢本人亦會親自回覆),好坦白咁同佢講自己嘅情況,睇吓有冇其他方法可以解決。陳醫生了解我有經濟壓力後,竟然主動話收我平啲,完全係預料之外,原本只係諗住可唔可以打針消腫等等。唔係個個醫生可以咁有同理心,為病人設身處地去諗,呢位陳醫生真係一位仁醫,好多謝佢,應承咗醫生第時搵到錢一定要正價幫襯佢👍🏻
8/7終於要剝牙,心情緊張。做手術之前有個姑娘同我講解一下陣間會做啲咩,嗰位姑娘俾我感覺專業、爽手,個人已經定少少。陳醫生入到嚟再講多啲有關手術嘅風險,打咗3支麻醉針,叫我啷口嗰位姑娘好溫柔,剝牙過程中亦完全無痛,只見到陳醫生好用力咁「蚊」嘢同聽到啲機器聲,但一啲痛楚都冇。而且過程入面,姑娘會不斷叫你「放鬆啲」、「有痛就舉手呀」、「你陣間會聽到啪一聲,唔使驚下~」成程都安撫住個病人,望上去仲有部電視睇添。
14/7講返呢幾日嘅情況,剝牙當日,依足姑娘指示咬棉花止血,流血量頗多,所以換咗幾次棉花,診所都有俾定幾包棉花用作更換。麻醉藥退咗之後係有啲痛,所以等止血後食咗少少粥就食藥,食嘢盡量小心避開個傷口。手術後第2日聽姑娘話乖乖刷傷口位,包括認真啷口(診所有俾漱口水),痛都要刷,保持衛生就唔怕傷口發炎。第2日瞓醒傷口嗰邊面腫起一大舊,就係網上search都會搵到嘅剝智慧齒腫面樣,而且個口唔係好擘得開,都係少講嘢同食粥為主,陳醫生俾咗3日病假我在家好好休息。到第3日腫到最高峰,之後夜晚逐漸消退,第4日瞓醒已經幾乎全部退晒,就咁望落係唔覺有分別。
15/7拆埋線,過程簡單無痛,全程只係用咗1-2分鐘左右,望到剝牙位有個窿,姑娘有提醒只需要食飯後留意吓有冇食物殘渣跌咗落去,就盡量啷口整返出嚟。
9月近況: 咩都食得,完全冇戒口,牙肉到依家都冇再發過炎啦!
陳醫生手勢好好,剝牙後我總共只係食咗2-3粒止痛藥左右,而且喺術後醫生隔幾日就會主動wts問感覺點樣,真係好有病人心,再次多謝陳醫生🙏🏻

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇

  # 32994
報告:
• 診症日期 : 2021年8月4日
• 求診目的 : 專科治療 種牙/ 植牙
• 診金收費 : ~ $ 30000
• 輪候時間 : 需預約準時
• 選尋原因 : 本網評譽參考
總評 10 / 10
專業態度 :
 10
對症下藥 :
 10
診金合理 :
 10

陳澔賢醫生 - 尋醫經歷詳述:

琴日去搵咗陳澔賢醫生, 第二次見面 ,終於種咗隻牙, 過程只需要十分鐘。 前前後後 一個鐘頭內搞掂(包埋等候給吹水時間). 因為我上次剝牙唔係搵陳醫生, 比較之下, 喺陳醫生度種牙仲舒服過 我上次去中環剝牙.

說來話長, 我本身係中環睇開一個牙醫, 疫情關係, 成年幾冇check牙 ,我原有隻牙嘅牙套鬆咗, 杜牙根嘅牙開始發炎, 無可奈何要剝咗隻牙。 本身個醫生嘅專長唔係種牙, 所以我都係靠網友嘅 體驗同埋醫生嘅 評價 去決定我人生第一隻種牙 應該去邊一度整。

陳醫生診所設備齊全, 360度3d scan我棚牙只需要800蚊, 種牙三次搞掂係兩萬四蚊.(第三次見面booked喺10月中). 我覺得價錢合理, 因為時間就係金錢。 琴日整完棚牙嗰晚上陳醫生已經whatsapp follow up, 好窩心, 好有安全感。 今日佢又whatsapp follow up( 佢何來咁多時間呢? 我覺得我自己24小時都唔夠用), 問我種完牙之後傷口有冇特別感覺, 其實真係唔痛。 有見及此所以我都希望回饋返畀需要種牙嘅網友. 搵一個 好醫生其實唔係容易!

要有一個好嘅團隊唔單止係靠醫生嘅技術同埋經驗仲要靠細心嘅護士!

簡評:
個人觀感- 醫術精湛、鉅細無遺
經歷過程- 求診病人實在太多,等候需時
推介意見- 已視為本人的必然選擇

  # 32606
報告:
• 診症日期 : 2021年5月7日
• 求診目的 : 專科治療 隱適美矯正
• 診金收費 : ~ $ 50000
• 輪候時間 : 需預約等候頗長
• 選尋原因 : 本網評譽參考
總評 10 / 10
專業態度 :
 10
對症下藥 :
 10
診金合理 :
 10

陳澔賢醫生 - 尋醫經歷詳述:

隱形箍牙真係要搵牙醫做!上網做好多資料,專科箍牙鍾意做傳統鋼線,反而係全科牙醫做隱適美經驗比較多。 比較網上出名牙醫,陳澔賢是學歷最高的,所以令我比較有信心開始做隱適美治療。 診所設備好齊全,箍牙要照顱側x光都有。其他大部份醫生都要寫紙叫patient出去影。
我本身上門牙好逼,歪曬...中線都對唔到,上門牙中線偏向左邊。陳醫生建議我唔好脫牙, 但就要靠骨釘來改我中線。 返去霖左好耐,差d走去另一個牙醫到做脫牙算。
但轉個頭霖,打骨釘應該無成隻牙脫走咁傷,所以都決定試下落骨釘。
落左骨釘之後,靠自己勾橡筋,醫生要我不時自己觀測上下門牙中線,同埋會交代我wtsapp影相方便觀測進度。
骨釘配合隱適美改中線進度比我想像中快。電腦clincheck本身顯示要一年,但係我大概7個月已經上下對齊左, 醫生觀測住真係好緊要,否則一旦改過左龍就返唔到轉頭!
同埋陳醫生真係好認真,基本上wtsapp有野可以隨時搵到佢本人,牙箍爛左,牙齒唔舒服都會叫姑娘馬上follow up。第一次confirm之後,醫生仲會改好幾個版本clincheck到時候同你一齊睇。
好推薦做隱適美可以搵陳澔賢醫生

簡評:
個人觀感- 醫術精湛、鉅細無遺
經歷過程- 求診病人實在太多,等候需時
推介意見- 已視為本人的必然選擇

  # 32414
報告:
• 診症日期 : 2021年4月16日
• 求診目的 : 專科治療 電腦導航植牙
• 診金收費 : ~ $ 30000
• 輪候時間 : 需預約等候頗長
• 選尋原因 : 本網評譽參考
總評 10 / 10
專業態度 :
 10
對症下藥 :
 10
診金合理 :
 10

陳澔賢醫生 - 尋醫經歷詳述:

電腦導航植牙好先進!
我有隻大牙牙腳爛了好多年,最近疫情緩和,有決心要解決佢!搵曬網上係陳澔賢醫生少數有植牙同碩士資歷,甚至有寫過下文章。 我來到表達想最小既不適來做種植牙。陳醫生表示可以考慮用電腦導航植牙,可以同一日脫牙 同 做植牙。唔係每個病人都可以,但我個case合適。

雖然要另外加錢來做電腦導航,結果證實係好既。我最後選做瑞士植體 同電腦導航,醫生即時幫我印模準備!

手術當日很順利,唯有施加麻醉藥時候針痛。脫牙,到種牙,到填補骨粉全程都無咩感覺。可能因為係電腦導航,所以無開刀,傷口第二日已經無腫無痛,十分理想!
做完手術後我表示想保存植體資料,醫生當下就將植體的包裝盒給我。姑娘有交代術後護理,並著我有其他任何事情時候可以直接wtsapp陳醫生。值得一讚! 睇症時間唔多,唯有放工額外開OT答病人問題。

總括而言,相比起尖沙咀中環價錢相宜得多,服務和效果也很好!醫生年輕值得表揚!而且其實都明白,就算植牙都有損耗的一天,醫生年輕到時候還可以請佢幫忙,唔會變成“孤兒單”!

簡評:
個人觀感- 醫術精湛、鉅細無遺
經歷過程- 求診病人實在太多,等候需時
推介意見- 已視為本人的必然選擇

Copyright©2021 www.seedoctor.com.hk
All rights reserved