Anxiety

病患者女 - 20歲

我長期覺得好緊張 心口好翳焗 唞唔到氣 會因為一啲小事糾纏自己好耐 好小事就會喊 尤其臨近deadline嘅時候會好焦慮 成個人好辛苦 好驚唔知點算 但就算係平時嗰一個星期都有超過五日嘅時間係咁嘅狀態 平日努力克制自己扮冇事 但有時夜晚真係完全瞓唔到覺 成日想喊 有時都會想傷害自己 仲會俾好耐以前嘅事所困擾 問題已有好幾年 但近呢一兩年發現情況越嚟越嚴重 開始超出我控制範圍 係我好努力深呼吸都抑制唔到 同埋心口嘅壓迫感越嚟越犀利 尤其係夜晚會忍唔住諗返以前嘅事 跟住就會喊嚟放鬆自己 但係喊完之後情緒會keep住好低落 我用咗我最大嘅努力去阻止自己傷害自己 我又唔想影響到人 所以平時我都唔會表露到我好有問題咁