註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
早兩日一不小心嚴重撞裂咗隻門牙，即刻就打電話去左樓下，姑娘叫我即時過去診所等會加插幫我睇。果下真係好驚因爲我接受唔到無左隻門牙
一去到當值醫生伍醫生檢查咗話要照X光，之後照完醫生好同情咁望住我話隻牙斷到得返牙腳已經留唔住要剥。其實黎之前都知只係未接受到。
當下真係驚到喊，我真係接受唔到無左隻門牙，伍醫生見到就同我講可以安排幫我陣間剥牙兼同時做埋種牙，即時會有個臨時牙套整好俾我既，唔好咁擔心住，我聽到個心先至定返少少。
跟住我就出左去等左陣，因為醫生話做完個小手術可能會有少少腫食唔到野，所以我都去食左啲嘢再返去搞，最後個手術都係做左半個鐘到就搞惦，個臨時牙比我想像中好好多，見朋友佢地都睇唔出，伍醫生話而家都係等支種牙慢慢生穏就搞惦，唔駛咁擔心。真係好多謝佢!!

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
第一次是去洗牙，feel到醫生好細心，洗得好乾淨。
跟住脫智慧齒，本身都幾緊張，但醫生好溫柔親切，一切都順利完成。
價錢係貴少少，但睇醫生真係唔敢貪平，都喺揀搵返伍醫生好D。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
這是我第二次找醫生幫我剝牙
伍醫生是一位醫德高尚，非常專業有經驗和細心的好醫生，
斷証準確，收費也相當合理.
極力推介👍🏻👍🏻

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
尋晚半夜牙痛得好犀利，上網一搵牙痛就搵到呢間牙科診所，見都有好多人都推介伍醫生就漏夜睇吓第日有冇時間可以睇。估唔到WhatsApp 半夜11點幾都仲有姑娘會應機，果位姓鄺既姑娘話本身係已經full左不過因為見我牙痛得咁犀利都肯比個位我，問完價錢覺得都比我之前問過幾間合理於是就即刻約咗第二日朝頭早見醫生。
上到去登記姑娘都幾nice既，不過就感覺有d官腔，對住個個病人都係講一樣嘅嘢🤣 同埋入面有個姑娘講嘢都幾大聲，有少少無禮貌

一路等嗰陣正如上網好多人咁講，伍醫生真係好多病人，診所一開已經坐咗五至六個人喺度，本身都諗住要等好耐，點知一影完X光片坐咗15分鐘左右就到我，反而搞到我未有心理準備😅😂
入到去醫生望落去好似上網講係幾後生，不過講嘢係好親切，我同佢講咗我嘅情況之後，佢就用張X光片同我解釋咗好幾個可能性，原來我今次牙痛係因為左下有隻智慧齒生得唔好，頂住前面嗰隻大牙，而家痛嘅原因有機會係智慧齒或者前面蛀左既大牙，亦都有可能係幾個位一齊痛😨
跟住佢叫我拎住塊鏡喺我個口到一路檢查一路指俾我睇係邊一個位有問題，亦都建議我今日可能先處理咗智慧齒問題先，因為嗰個位搞到我痛嘅可能性最大，我一聽到要剝智慧齒即刻嚇到面都青埋，因為我聽朋友講過佢之前剝完又腫又痛🙃
姑娘醫生見到我咁好似都嚇左嚇，即刻係咁安慰我，醫生都同我解釋左成個手術點做，亦都建議如果我真係好驚可以食咗藥先返去同屋企人再傾。
不過我老公就叫我即刻剝，話呢啲痛一次處理咗佢就算，怪就怪我自己拖到個情況太嚴重先整😢

而家諗返其實剝牙果到真係好快搞掂，醫生話開始之後我聽咗一首歌已經做完，比我想像中舒服好多，後尾問返老公都話醫生手起刀落，好似劏豬咁(?)而家麻醉藥散咗都已經冇乜嘢，希望聽日唔會腫到豬頭咁啦🫣
真係好多謝醫生同姑娘，一路剝一路安慰我，每一步都話俾我知做緊乜嘢，伍醫生把聲都令人好安心🤣手勢一流！

多謝彤心同伍醫生，慶幸我遇到左你地，我都知我比較麻煩！下星期返去又要麻煩你哋🤣！

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇

經歷詳述:
同小朋友喺度cool左兩年牙，so far Dr.Ng及姑娘對小朋友好細心，每次好俾心機睇之餘，會問家長佢戴成點，有冇講過唔舒服等等。而且姑娘好有耐性教佢點除牙箍，點刷一些平常好難刷嘅牙齒，仲教我點幫佢睇戴得好唔好。雖然有時放學後或長假期前等候時間較長，但問題不大👍🏻

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

註冊專科分類

睇醫生網 Seedoctor