註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
上星期食食下飯媽咪因為牙痛所以陪左佢去左睇牙 上網見伍醫生評價唔錯所以去左搵佢 其實之前媽咪係第二到都睇過牙既 有哂經驗 不過因為之前剝牙都搞左成個鐘又搞到成口血所以今次佢都有啲驚 果日下晝去到見到都好多病人等緊 我哋都等左成九個字先見到醫生 果日伍醫生係到 佢把聲聽落去都好後生 佢幫媽咪做左檢查之後話佢隻牙爆開左 得返半隻 而家其實已經留唔到 可能佢見我哋唔係好明佢仲特登係媽咪個口影咗啲相 指住幅相解釋俾我哋聽個情況 咁我哋雖然黎之前都有心理準備隻牙齒要剝 不過聽完始終都有啲驚 好彩醫生都慢慢同我哋傾左好耐 等媽咪無咁驚先開始 落完麻醉我見媽咪都無乜反應 不過跟住我哋就係出邊再等左成半個鐘 醫生先再叫我哋入去剝牙 剝牙過程都幾快 見醫生好似耍太極咁搖左一陣隻牙就慢慢鬆左出嚟 傷口都無乜流血等我同媽咪仲驚會好似上次咁成口血 估唔到原來咁簡單！跟住伍醫生仲再同我解釋咗一次傷口護理 叫我睇住媽咪 下星期再過嚟覆診見下佢🤣返到屋企麻醉過左媽咪話完全無痛 止痛藥都無食過 真係好多謝伍醫生
佢第二日仲有姑娘打過嚟關心下媽咪有無事 真係好好 唯獨是診所果到真係要等得比較耐 果日都好多病人 等到我哋都有啲攰 不過都值得嘅！

簡評:
個人觀感- 詳盡親切、耐心施診
經歷過程- 求診病人實在太多，等候需時
推介意見- 已視為本人的必然選擇

經歷詳述:
判症錯誤，快快了事

由於右半邊臉痛，由面頰至頸痛了2-3天，才發現刷牙時突然觸到痛處，簡直就像閃電一樣強烈地痛了一下，於是我清楚知道是牙痛。
翌日我便致電一直有睇開的牙醫，由於排期到 5月尾，所以我便心急這間星日也營業的牙醫，半年前亦是這樣，在放工後看診，在地鋪，但因為今次我想在星日盡快解決，心急下無論咩醫生都想快快解決，致電預約，豈料星日只有伍醫生，上網看過評語不錯，所以唸住一試。

等了一會，首先去照全幅牙的 x-ray，不久便見醫生了，伍醫生看了 x-ray 解釋我右下智慧齒和右下尾3的都有註牙，他推斷是這2隻其中一隻，他示意我指出那隻痛，我用舌頭指了一下，他再問我確認是這隻嗎？
我又問： 怎知是我指的這一隻呢？
他回應： 因為你指的是尾3這隻，而不是智慧齒那隻。
他沒有用探針試我那處痛，只是問我那隻痛。可能有敲過牙，我無反應。
他再解釋 ： 現在有兩個方案，一係剝左佢，一係杜牙根＋並加牙套。
我問： 請問價錢多少呢？
他回應：剝牙 800；杜牙根＋並加牙套7000
⋯⋯ 接著我問有關付款方式 ⋯⋯
最後我才決定，那唯有剝牙吧。

於是他便開始準備，並且由姑娘解釋同意書簽名，之後，醫生拿起麻醉針為我打麻醉藥，他一邊打一邊說：因為呢隻牙都比較大，我會落多少少麻醉藥。
我心唸我都無得選擇，只有相信。之後我覺得心跳加速。醫生再次問我有無覺得唔舒服，我有告知醫生，他說這是正常的。
很快便剝牙了，手勢好，好快又不太大力。

一剝完我他即時問我有無問題，我問：「 E？一剝完就得啦？牙的神經線無晒啦咩？ 」醫生回應：「無架啦。係晒到（牙）」

回家後，約5點幾麻醉藥過了，我睡了一回，醒了後不久，我發現之前的痛楚仍在，我舌頭又發現痛處，面頰仍痛。OMG! 我之前的痛楚沒有解決。翌日我致電伍醫生診所，想問下為何仍舊有痛楚。

由姑娘轉述伍裕彤醫生的說話並解釋。

首先話我隻牙仲痛，跟之前的牙位置一樣，佢地問返第一次幫我剝牙的醫生（右下尾第四個隻，半年前），佢地2位醫生商量後，話右邊的牙一連幾隻都有問題，有可能係因為我隻牙剛剛剝左，所以仲有痛，而神經線上3隻都有關連，要我食消炎藥，睇多2-3日，情況有無好轉。同時間，智慧齒的註牙都嚴重，所以佢話剝埋，會比較好。我再問： 咁你意思係我剝埋智慧齒就會無痛？
佢回應： 可能，到時醫生再睇。
佢話昨日醫生係有敲 過幾隻牙，我都無咩反應才會問我覺得邊隻痛，（我用舌頭指示右下尾三）佢話x ray 顯示註牙情況嚴重，都要剝架。

～～～～～

我同家人商量，卒之決定找回自己睇開多年在銅鑼灣的醫生預約，解決問題。因為我情況嚴重，一有人退出，我便攝期預約到隔2天了，銅鑼灣醫生由我面頰的痛楚，面肉每一個步位都按，右邊上齒和下齒都檢查一次，再按頸痛位置，再用探針，續一試探牙縫，她才找到原來是x-ray 也照不到的位置，一觸碰到便痛到不得了，原來是智慧齒和尾二之間的縫隙，需要補牙。

～～～～～

好端端的尾三那隻牙被剝了，雖然有註牙，但剝錯牙，真係好傷心。無得補救了。暫時不能用右邊咬東西，要用左邊，直至種牙完畢。欲哭無淚。

看得出伍醫生太草率地相信病人的判斷，沒有認真檢查，將責任推給了病人。失去病人的信任。

我呢個教訓係要找返相熟的牙醫，不要急於一時。
伍醫生的判斷非常草率。以後我唔會再去。他收費並不貴，手勢亦好，可惜操手有問題，可能太後生了。經驗不足。
請大家引以為戒。


簡評:
個人觀感- 有欠詳盡、耽誤病情
經歷過程- 醫護之語調態度令人無所適從
推介意見- 已視為本人的必然選擇

經歷詳述:
如大家所講reception真係唔係好細心同比較冇禮貌
俾埋身份證都可以打錯個名 醫生紙俾錢嘅時候係冇嘅 要追問先有 仲要俾張錯嘅我

我預約咗5:30差唔多六點先到我做
的確有好多人去睇，可以值得嘗試

我睇智慧齒，開刀要4500 包診金丶藥費丶醫生紙
佢哋有WhatsApp可以問問題 即使過咗夜晚八點都會有人覆你WhatsApp 所以睇完醫生有咩唔舒服都可以搵佢地
伍醫生講解得好詳細，好有禮貌 成個手術約10分鐘到就完 勁快 我第一次睇牙醫勁驚
佢都會俾啲時間你適應 真係就住病人嘅角度去幫你搵方法解決

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
終於上嚟搞掂我隻蛀咗嘅智慧齒，痛到我又腫又食唔到野，剝咗之後第二日已經唔痛了！等我上網仲睇D人話會腫到豬頭咁驚左幾日 🙂


簡評:
個人觀感- 仁心仁術、醫德高尚
經歷過程- 求診病人實在太多，等候需時
推介意見- 已視為本人的必然選擇

經歷詳述:
很有經驗的牙醫，我一直都驚搵牙醫。
今次因為爛咗智慧齒，迫不得已要睇！親戚叫我搵伍醫生，話佢技術好，又細心。
今日戰戰兢兢咁去搵佢，終於剝咗一隻智慧齒，補咗2隻未見到嘅爛牙。
伍醫生望落去年紀輕輕，但真係很有經驗，成個過程完全唔痛，而家返到屋企麻醉藥過咗止痛藥都唔使食。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 優質醫療服務理應如此

註冊專科分類

睇醫生網 Seedoctor