註冊專科醫生/分類

專業治療

搜尋病症資訊

睇中醫網
註冊中醫

經歷詳述:
於St. Teresa 做年度身體檢查，也是第一次做Mammogram。 (之前只是做超聲波), 報告發現有可疑鈣化點。
那便拿醫生信去東區醫院排期。三月中見醫生，四月初抽粗針。一星期內便致電給我，當然心知不妙⋯⋯

東區外科醫生確診我為乳癌原位癌，約1.2cm. 還著我不用擔心，但建議我全乳切除，因認為我胸部小，那不如全切，像是好簡單似的！真是晴天霹靂、不能接受………
像世界末日一樣，生cancer 喎：又怕死、又怕辛苦、又怕痛、又怕醜………

定神後，拿拿淋seek second opinion （私人醫生）。
護士朋友介紹下，便找馬國權醫生。

好記得首次跟丈夫一起見他。以為一定要全乳切除………
馬醫生非常詳盡解釋我的情況，原來我是有得選擇的！當日他給我三個options ,也詳細分析各有的利弊，好清晰及專業。

咁找得私人醫生，當然不選擇全切啦！跟丈夫商議後敲定＂局部切除＂, 由於我1.2cm 病灶有點接近nipple ，事實上也有點風險，所以我長氣到爆炸咁問完又問，馬醫生又好有心機咁慢慢解釋，令我及丈夫都感到非常安心。並著我們好好考慮清楚。

隔天我諗住電話confirm 手術，姑娘話要見多次醫生。原來馬醫生會再一次見我再解釋（幾有醫德）。那天他更遷就我8:45 約見我，那就fingers crossed 及簽文件了。

現在手術後一個月啦！
馬醫生不愧為乳線外科專科，手術時已經發現病灶不只1.2cm. 在超聲波及冰凍切片檢驗後，他專業的切清其它一切Tumor. 而且成功保留nipple(我最擔心不能保留，因我胸部是納米size, 全切加無乳暈就更醜了，也是馬醫生稱為無焦點）。他真明白女人的心態！

感恩手術當天下午已經精精靈靈，食得、笑得。第二天中午前已經可以出院回家喔！而且傷口癒合也非常快及好。第三天也差不多不用吃止痛藥，真厲害。

雖然患癌好不幸、悲傷，但遇到好醫生也是我的幸運。
過程感到馬醫生有技術、有醫德，明瞭病人/女性感受。他真是我的救命恩人。

至於其診所環境非常舒適，設備又充足專業，而且位置便捷 (手術後馬醫生會於其旺角雅蘭中心診所給我洗傷口）。洗傷口後仲可以有行街shopping的後續，也真不錯。

p.s. 決定找馬國權醫生，除了有護士朋友介紹，當然還有看過他的Breast HK 網頁，即使未見其真身，經已感到他的熱誠及同理心。親身見過其真人，與及接受他醫治，相信除了治癒病外，也能治癒病人的心靈，為病人帶來安心及寛慰。







簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
1) 自4月確診乳癌, 我都睇咗好多政府同私家專科醫生, 但都仍然好迷惘! 之後, 我有個護士朋友介紹我去睇馬醫生, 因為佢話見過好多個由呢個醫生開刀既病人, D傷口又細又靚, 而且係咁讚佢好nice又得病人愛戴, 我抱住信朋友既心態去睇睇!

2) 於是5月頭上到診所, 環境好舒服, 姑娘好有禮貌, 馬醫生態度親切熱誠, 仲好有耐性咁慢慢講解清楚我病情及提供可行方案, 原本政府醫生話我右胸有4粒咁多,好難搞,要我全乳切除( 其實只有1粒8mm惡性, 另外3粒4一7mm係良性)及重建( 要做8小時手術, 胸部同肚皮切兩個大傷口) 咁恐怖我聽到都驚啦，但馬醫生好厲害, 技術超卓精細, 󰀃能夠做到局部切除( 清除所有腫瘤之餘又可以保留乳房, 不用重建, 減少傷口, 當然個胸size就細咗小小, 但總好過重建要左切右切),

3) 所以, 我5月中得佢幫我在浸會做局部切除手術 , 佢手勢真係一流, 手術後無乜痛過, 只係第一日有小小蟻咬感覺, 之後, 我直頭忘記有傷口, 朋友都奇怪我咁靈活同精神, 而且疤痕又幼細又靚(喺乳暈邊開刀, 真係美觀好多)

3) 手術後每次佢都好有心機親自幫我洗傷口, 無微不至, 仲有兩位診所姑娘好親切又nice, 經常和我輕鬆談笑又關懷鼓勵我, 舒緩我病患中既焦慮情緒, 每次返到診所, 都充滿歡樂同正能量, 又如家人般的親切溫暖, 感謝天父比我一個咁正咁好既醫治團隊, 關顧我身心需要!

4) 後来我先知原來馬醫生份人仲係好有熱心同愛心, 多年前開始獨自用工餘時間默默地一點一滴用心良苦地制作一個網站(BreastHK)用輕鬆手法提供好多詳盡實用資料幫助迷惘痛苦中既病患者, 我從中都被吸引同感動! 雖然患癌係我人生中一件苦難, 但我有幸遇到一個真誠愛護病人如自己家人朋友既醫生, 真係好有福氣! 我真實感受到馬醫生喺佢網站( BreastHK) 所講" 愛. 乳. 希望" , 用"愛" 治療 " 乳" 病患者, 令她們重拾" 希望" , 診所更成為一個大家同路人打氣聚脚既家!
簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇

經歷詳述:
我因在乳腺中心确診乳癌，所以致電馬醫生診所。他本來已經满額，但聽到我的情況也給我booking。他很細心講述我化驗報告的病情，也詳細的講述了我要接受的治療，所需要的金額。
十分感謝他！
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
平時我很少在網上媒體發表意見，但馬醫生真的是一個難得的好醫生，我也是從網上看見別人的推介找馬醫生，所以希望能讓有這方面的需要的人有一個好的選擇。

今天去了馬醫生的診所應診。如其他病人的描述一樣，診所環境給人一種舒適的感覺。雖然今天是第一次應診，醫生和護士都給你一種親切的感覺。診所設備完善，有電話充電器，播放輕音樂，白色的沙發也給人一種舒適的感覺。

入到醫生房，今天我要進行抽針測試，醫生把投像投影到天花板上，這個安排很好很貼心，因為躺在床上也能清楚看到自己的情況。醫生一邊做超聲波，一邊細心講解情況。

到做抽針檢查的時候，馬醫生會先講述檢查的過程，還細心描述將會感受到的感覺，很從病人的角度出發。

除此之外，馬醫生也細心地回答所有問題。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
雖然遲了接近一年才寫看醫生報告，不過給別人多一個參考，應該也是好事。

我是去年做手術的，原本例常檢查，右邊乳房3D造影有個陰影，建議抽針檢查。頭暈腦漲，完全手足無措。我先去看了朋友介紹的一個女名醫。抽粗針後等了幾天出報告，護士電話告知不用太擔心，是良性，約我上去搵醫生拎返報告。我大安旨意，以為醫生只會講下點保養之類，點知醫生居然話要做手術，當下hang機，完全超出預期，要怎做，有什麼要留意，我完全不懂得發問，醫生超多病人，見我冇乜野問，好快打發我走，我惟一知道的是入院的價錢，及做完手術會有兩條3CM左右的疤。

好在另一個朋友介紹了馬醫生給我，直頭好似係大海汪洋中見到水泡。好失禮，講返當日晴天霹靂收報告的事，我幾乎想喊。我估佢都見慣不怪，好厚道冇批評其他人，只講返我單case。馬醫生細心講解，令我明白點解一定要做手術。我果粒好似叫結節性腫瘤，不切出來以後有機會發展成原位癌，即係一定要做手術喇。一般女仔都會擔心疤太長太礙眼，佢好仔細解釋會點做，下刀方向等，講解得好詳細。手術後，我只有一條我自己根本看不到的疤。

PS.診所姑娘年青又好有禮貌，診所收信用卡，又有電話線可叉電。雖然都是些小枝節，但看得出馬醫生是有心人，肯從客人角度去諗，值得放心。

再PS. 個人覺得馬醫生的樣貌有D似陳奐仁/叮噹，好有喜感。我一見到佢個樣，已放心左大半。哈哈，尼個優點，佢應該都知，否則唔會放張相上黎喇。

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 值得向有需要人仕推介

註冊專科分類

睇醫生網 Seedoctor