香港睇醫生網首頁
[ 會員# ] win

杜牙根問題

病患者女 - 24歲

我之前去睇醫生,醫生話我下面其中一隻門牙神經已經壞死咗,我想問下如果唔杜牙根會唔會影響隔離左右嘅牙齒?以及有咩後果?
另外,如果杜牙根一定要帶埋牙套?唔帶得唔得?帶唔帶牙套,係咪牙齒一樣咁脆弱?
最後,杜完牙根,幾年後開始爛,係咪醫生做得唔好導致封唔緊,有細菌入去,導致牙會爛?
你好,多謝你的查詢。牙神經壞死即牙齒內部根管有炎症,如不處理炎症會加劇,出現牙瘡,並隨著時間牙瘡會擴大。牙瘡擴大會影響隔離左右的牙齒,令它們從牙腳被細菌感染,繼而壞死。再不處理可能會形成囊腫,到時候可能未必能單靠杜牙根解決問題。

門牙杜牙根後是否需要牙套保護因情況而定,一般如牙齒結構良好,或牙腳發炎並不是因嚴重蛀牙而引起,有機會不需要製作牙套。詳細判定需要x光及醫生臨床檢查。

杜牙根後牙齒也要後續保養護理,包括適當的清潔、使用牙刷、定期檢查、定期拍口腔x光,很難判斷成因。當然最初的杜牙根處理也應處理得妥當,牙齒才能使用更長時間。實際問題需經專業評估檢查後才能定奪,建議如有疑問可約見牙科醫生。
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2022 www.seedoctor.com.hk
All rights reserved