註冊專科醫生分類

專業治療

搜尋醫務信箱

睇中醫網
註冊中醫

經歷詳述:
感謝施恩座上的君王！ 感激陳思昕醫生！ 本人在荃灣區上班, 需要洗牙, 於是用google尋找, 恰巧在 seedoctor.com.hk 尋見牙醫陳思昕醫生, 近公司。
由心而發的稱讚:
1) 預約
稱讚姑娘在電話中幫我預約, 表現得十分耐心和親切。
2) 醫務所
位於千色匯的新診所剛投入服務一周, 令人感到清淨、和諧、福音擺設散發著平安芬芳, 本人感到很幸運, 能尋見如此令人心曠神怡的牙醫醫務所.
3) 專業
衷心表揚曾清然醫生, 6月20日 (寫表揚信當日) 曾醫生親手為本人洗牙, 流暢、細心、非常專業, 特別是每句溫馨提示, 「這位置較骯臟, 洗果時會有點酸痛。」 幫助本人感到十分被尊重, 多謝曾清然醫生既專業又親切的服務。 $460, 超值, 抵讚！
4) 慈愛施恩
本人第一次就診, 陳思昕醫生醫務所給我留下深刻良善的印象, 竟然提供免費紙包飲品, 你試過未? 我就第一次, 真是感到賓至如歸, 好像置身於清草地、溪水旁、佳美地！

本人衷心多謝陳思昕醫生, 並祝福醫務所每位員工及診友牙仔靚靚, 笑口常開！
願耶和華賜福給陳思昕醫生！

感到欣喜地滿意的 陳本剛 親筆
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
喺陳醫生嘅牙科中心做咗個牙齒漂白療程，過去幾年返工飲得咖啡多，牙齒啡啡黃黃，依家做左之後效果都幾好，睇上去白左好多。原本以為睇牙醫會好痛，但成個療程都冇乜感覺，只係照下啲藍光，塗上一啲物料，就OK了，過程比預期中舒服得多。

我之前見有好多藝人blogger都做咗，想試吓，原本以為好貴好貴，但最尾發覺價格都ok，牙齒白左之後出到嚟笑容都好啲，自信都多啲，我自己真係覺得乜都值返晒，同我上次喺養和醫院做激光矯視一樣都係早做早享受。上次上羅湖都見到有診所賣廣告做牙齒漂白，價錢比香港平，但我真係唔係好敢試，到時出咗乜嘢事都唔知搵邊個。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇

經歷詳述:
個女放暑假之後，我同佢就趁有時間去問下cool牙。個女棚牙細個就開始哨，初頭覺得無乜嘢，但入咗中學之後個女就成日向我投訴自己哨牙成日被人笑，所以今次唔想再拖，的起心肝想幫個女完成心願。

同女女一齊研究隱型cool牙，問過幾間診所，發覺不同診所的價位都有不同，關鍵是他們用美國、台灣還是韓國的牌子，美國的隱適美價位最高，但好多人都用。最後都是選擇找陳醫生做，一來她是隱適美特約醫生，二來陳醫生對病人很用心，連對我個讀緊中學的女兒都好詳細解釋cool牙的幾種方案，讓我個女同我都有份做決定。最重要是之前問過第二間幾出名的診所，那位牙醫一開始就話只得一個選擇，一定要剝四隻牙先做到，我個女唔想剝太多牙，結果陳醫生向我們建議了一個需時長少少但是不用剝牙的方案，我同個女都好滿意。

不過要做隱適美的話不要找距離自己屋企太遠的診所，因為中間要頻密覆診換牙cool。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 不可多得，值得等待

經歷詳述:
見到評論唔錯又位置方便，於是預約去洗牙。雖然病人唔少，但時間管理做得算ok，大概十分鐘就見到醫生。

醫生檢查過之後建議我照張大片，因為我刷牙刷得唔好又食得煙多，有中度牙周病。醫生同我解釋過張片後，我先發覺問題有幾嚴重，再唔處理有幾隻牙會救唔番，但係唔知點解之前睇果啲牙醫從來都無同我講過有得解決。之後我番屋企打電話問下其他診所的報價，發覺醫生報嘅平咗一截，又有得碌卡嘈分，於是決定約時間做。

成個牙周病療程要番去幾次做深層清潔。如果經常流牙血，真係要及早檢查，如果唔係到時無左隻牙再種番隻假嘅就喊都無謂。

成個求診過程感覺幾受重視，醫生幾細心溫柔，唔會好似我以前睇嘅牙醫一係事旦噴下水耍我，一係好似劏豬咁粗暴。
姑娘之後又會打番電話俾我問我有冇唔舒服，都算物有所值。

簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 想充分掌握病情者應試

經歷詳述:
好耐之前都諗住箍牙，等棚牙睇落去整齊啲，但係成日都覺得係啲大明星嘅專利，好鬼貴。前排見到番工附近陳醫生的診所，原來都有做隱適美箍牙，一問之下發覺價錢都唔係想象中嘅天價，可負擔之餘亦可以分期俾。決定做之後發覺揀一個好的醫生都幾重要，療程要做成一年但陳醫生每次都好細心好詳細咁解釋每個程序，箍牙之餘亦會同時處理口腔其他問題，而之後每次覆診亦唔駛再俾錢，清清楚楚無附加雜費。

間診所雖然唔係好大好豪華，但係都幾新淨有齊設備照x光，唔駛出去第二度照。依家療程過咗一半都見到效果，幾滿意。不過如果要睇就最好預約平日，星期六日都幾多病人。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 優質醫療服務理應如此

經歷詳述:
環境寬闊，非常新淨舒服，設備比較先進，有些設備在舊式診所好似未見過，醫生很細心，每步驟都講解清楚，值得一讚是連那隻牙齒大可能蛀要平時怎樣處理，那隻牙肉在刷牙時避免過度用力都逐一提示我，已往洗過的都未試過有這種服務態度，$380洗牙，值！
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 值得向有需要人仕推介

註冊專科分類

睇醫生網 Seedoctor