香港睇醫生網首頁
[ 會員#24570 ] Karen

已杜牙根的牙肉上生牙瘡

病患者女 - 27歲

你好 我兩星期前發現生左牙瘡 睇左一個普通同手術專科醫生 專科話係十多年前杜左牙根的牙齒生了瘡 建設一係二次杜牙根 唔係拔左隻牙再植牙 想問邊個方法較好? 我怕二次杜牙根成功率不高 最後都要拔牙植牙。 約了三星期後見另一個醫生 想問咁樣會唔會拖得大遲 怕細菌從牙瘡繼續蔓延, 謝謝
你好,

多謝你的查詢。決定再杜牙根或脫牙主要的考慮因素是引起牙瘡的原因,牙瘡的形成有機會是因為有細菌再感染,或之前的杜牙根未夠徹底,亦有可能是牙根有裂縫。如果牙裂的話基本上牙齒都是要拔除,因為即使杜牙根,成功率也較低。

一般要較準確判斷情況,都會建議拍攝3D電腦掃瞄,才能得到更多數據,去決定治療方案。如想先了解再杜牙根,可盡早約見牙髓治療科專科醫生,他們在這方面有較多經驗,可提供專業的意見。祝牙患早日康復,擁有健康的牙齒!
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2020 www.seedoctor.com.hk
All rights reserved