註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
診所安排混亂，付出時間、金錢，但未能得到預期的服務。
本人因需要重杜牙根，於網上搜尋多時，因韋醫生經驗豐富及專業操守，想向其求診，故經電話預約檢查。其後診所經WhatsApp確認預約日期時間地點、醫生名稱、注意事項。再於面見前一天以同樣方式確認以上資料一次。
於面見當天，本人準時出席，登記時說明預約時間及醫生名稱，並有充裕時間填寫問卷、做快速測試，過程快速、舒適，幾乎沒有等候時間。很快便安排入房見醫生，進房後有大概4位女仕，由於沒有介紹，而我又認為我約的韋醫生是男仕，所以我以為全部都是姑娘。隨後，有位男醫生從房的另一隻門走進又從另一隻門走出，同時姑娘示意我瞓上床準備檢查，期間有位女仕詢問我到診原因、查問病情，我一邊回答一邊疑惑為什麼會是姑娘問病情，抑或韋醫生其實是女人時，那位女仕已經示意我開口並專業地幫我檢查了。其後姑娘帶我到另一房間做掃描，這時我趁機會問姑娘，我今日預約的韋醫生其實係男定女？姑娘回答是男。我再問頭先幫我檢查嘅係醫生？姑娘回答是dr.miko。我話我係約韋醫生，你哋WhatsApp 確認時都有寫清楚，姑娘話佢哋有兩位杜牙根醫生，佢哋會安排兩位醫生睇症，問我係咪想睇韋醫生？我話我約韋醫生梗係想睇佢，你前一日確認時都仲係寫明我係約咗韋醫生，如果醫生唔得閒，係咪應該通知我呢？我上到嚟登記時，你哋都唔同我講聲我唔係睇韋醫生，我入到房都唔知醫生係度，連招呼都無打過。姑娘就話韋醫生一陣都會入房見一見我。之後就開始做掃描了。
掃描回房後，韋醫生很快便出現，第一句就係：其實我哋呢位醫生都好好架，我只能尷尬地回應：我無話唔好。接著，韋醫生開始簡單檢查並分析病情，之後便離開，由姑娘接手了。之後做了箍牙分析的掃描，過程痛苦，直到姑娘插中我有問題的牙齒我忍唔住大叫，才由另一位姑娘接手。完成後，全程由姑娘講解，我一度以為最初那位女醫生由韋醫生入房時已經離開了，直至我問我其他牙齒有無問題，姑娘問醫生時，我至發現醫生在房內。最後，我要求醫生開藥給我處理牙齒發炎問題，女醫生給出專業意見及解釋得很清楚。
總結： 由於重杜牙根，只有最後一次機會保留牙齒，所以我謹慎地尋找有經驗的醫生幫忙，韋醫生是我的首選，我不知道其他醫生好不好，亦沒有明示暗示不好，但我預期我會見到我預約的醫生，並由他處理我的牙齒，我同意付出的費用，亦是因為是韋醫生所以我願意付出相關收費。明白醫生忙碌，所以我預約，預約一個能得到醫生診症的日子時間，我依時出席，但就毫無理由及通知情況下給我安排其他醫生，你的時間是時間？我的就不是？我雖不是名醫，但時間一樣寶貴！另外，整過過程，女醫生參與度非常低，基本上只有姑娘在講解，但我理解點解女醫生橋埋雙手站在一角，可能以為我話佢唔好所以要韋醫生插手，但事實並唔係咁樣，希望佢會睇到呢篇嘢，雖然佢只係開始幫我檢查同最後講解藥物問題，但其實相當專業，檢查時亦非常關心有無整痛我，我無決定要佢幫我處理牙齒，係因為我對呢間診所無信心的因素比較多。

簡評:
個人觀感- 態度有失、醫德有損
經歷過程- 需要自己主動提出較多的諮詢
推介意見- 可能人夾人緣自己衡量

經歷詳述:
因為本人要杜牙根同時要做牙套，而且多過一隻牙所以喺網上搵有冇醫生好推介，見到網上有人推薦韋醫生，評價幾好所以嚟試下。

診所姑娘同醫生都好友善，診症期間佢哋好詳細哋分析同講解治療方案而且答咗我好多問題，同時間亦都幫我檢查埋口腔有冇其他唔妥，結果原來好多問題要返去多做幾次治療。

治療過程亦都冇特別唔舒服，除咗打麻醉會痛其他都流程都冇痛，睇得出醫生都好有經驗。治療完醫生同姑娘會講解番有乜事項要注意同埋之後會主動電話查詢治療完有冇唔舒服，覺得佢哋幾有心。
除此之外醫生都好好人俾咗優惠同固定器我。

非常感謝韋醫生，亦都推薦俾其他病人。


簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
有隻牙蛀得好深要杜牙根，去到韋醫生照完X-ray 發現另一隻好多年前杜左嘅牙有牙瘡，需要重杜，醫生手勢純熟，杜牙根過程又快又無不適。最後仲做埋比較耐用嘅牙套，放心晒。姑娘都好細心有禮，仲好好人提供左九折優惠

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
月初牙痛睇左普通科牙醫，發現大牙蛀牙得厲害需要杜牙根，但牙腳太近神經線比較高風險。
在網上綜合評論後找到韋樂霖醫生，第一次診治後，大牙抽了神經已經冇痛，韋醫生技巧好好而且很有耐性，過程專業純熟，解釋詳細清楚，連我最怕既打麻醉針都冇乜痛，完成後效果好好，沒有任何問題。
姑娘溫柔細心，不時遞上紙巾，又為我蓋氈保暖，預約快捷方便，等候時間短，儀器齊全又新淨，診所裝潢舒適，令人感覺放心，沒有以往睇牙醫既恐懼。
感恩係短時間內痊癒，韋醫生係值得推薦嘅好醫生。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
之前去左普通科既牙科診所洗牙，因為懷疑牙裂所以推薦左韋醫生比我，可能要做杜牙根，之前去過幾間普通科診所，諗住資詢多啲牙醫既意見，（因為價錢關係）佢地都話我隻牙無得救，因為裂得太厲害，建議我脱牙，但韋醫生話我隻牙7-8成都救得翻，就好放心比佢做，治療過程好擔心會唔會治療得好痛，但姑娘同醫生都好細心講解同安慰病人，又可以睇電視舒緩自己既不安，幸好，治療過程中真係唔痛，好擔心真係救唔到隻牙，但韋醫生技術好好，好快就完成左，相信佢一定可以成功
非常感激韋醫生同咁多位姑娘，辛苦哂

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

註冊專科分類

睇醫生網 Seedoctor