註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我幾個月前第一次睇蔡醫生做檢查,因為當時想準備要BB,其實佢講野好快,同埋問多佢幾句都無乜機會,比我感覺想盡快睇下一個症,我第一次睇佢果時佢幫我做左抹片,同介紹左我去一間診所做乳房檢查,咁之後我本身打算拎完報告走,但姑娘同我講話我乳房檢查有問題要見一見醫生,蔡醫生同我講建議搵乳房科醫生睇睇有冇需要抽走粒野,我詢問佢有冇醫生介紹,佢話:睇番你張醫療卡有無網內醫生。
簡評:
個人觀感- 診效不顯、收費不稱
經歷過程- 需要自己主動提出較多的諮詢
推介意見- 本人絕對不會再作光顧

經歷詳述:
因為經期間出血，在朋友介紹下去左睇Dr. Chai, 其實之前已睇了另一婦科醫生，見到子宮內膜有1cm陰影，該醫生表示可能係瘜肉，但亦有可能係cancer, 而她建議我可以做宮腔鏡，大約4萬元左右，但該醫生叫我半年後才覆診，由於不放心的關係，所以去了搵Dr. Chai拎second opinion

見到蔡醫生的comments好壞參半，都是抱著一試的心態，前後在診所及醫院手術見面都有4，5次，蔡醫生給我的感覺很友善，很細心，說話掛著笑容，減輕了我不少緊張的心情，她清楚指出問題所在，講野快得來亦很清晰，有次照超聲波時，我對鞋胡亂擺放，她更主動幫我放好。

蔡醫生的說話亦令我感到安心，她診証後表示我年紀尚輕，有cancer既機會真的不高，但都建議for健康著想，都係做宮腔鏡手術較好，然而蔡醫生更指出這類型的手術不是之前醫生指出的4萬多元的昂貴，2萬左右就行了，故此，我更加肯定找蔡醫生幫我6月尾做手術。

手術前蔡醫生在診所詳細解釋手術的程序等事項，及後，她給了我一款藥手術前10天開始食用，由於有一些疑問，故send email問蔡醫生，蔡醫生及後更主動致電給我解釋清楚，真的很不錯。蔡醫生的手勢很好，沒有任何痛楚，手術後她更立刻致電我家人說說手術情況，好讓家人安心。她亦叫我要多休息，不要因年輕而博得太盡。

醫生於手術後的覆診亦有詳細跟我解釋報告，幸好沒有大礙，她亦給予我一些建議。雖然網上見到有些負面評價，但經數次親自經歷後，我覺得可以推介予其他人。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
這是我看醫生最差的一次
醫生建議我照超聲波檢查同子宮抹片檢查，但因為我用醫療卡，我抹片就去咗指定化驗所做。但後來因為時間同價錢不是差太遠的關系。我還是找回蔡曦琳醫生，但之前蔡醫生亦未同我講過照超聲波前咩情況是照不到結果的。原來準備月經前是照不到任何結果。要再月經后照。短短幾分鐘已經600蚊。咁樣都算了，醫生角度賺多次錢會更好。但在我角度，醫生未夠細心，感覺好似比人呃咗咁。其次，醫生亦不能解答我問題，有啲專業術語未接觸過真是不太明白，再問醫生她反問我：頭先我講咗啲咩呀？或者話：我頭先咪講咗囖。照完超聲波醫生也不會告訴你咩病，一次又一次叫你繼續去檢查，去醫院再照內窺鏡，答案也模棱兩可。未做檢查答你唔到····可能CHECK完冇事。但亦可能好大件事，感覺上無盡收錢深淵···太利益當頭和沒有耐心~~~如果想睇搵她的朋友要慎重
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:
產前檢查
在懷孕初誤服某種調期藥期，我查詢：會否影響胎兒。
蔡醫生回應：要查下才知道，下次再來睇。在同一週內第二次睇，她根據網上資料回覆，且無端端一星期內照多次超聲波，從中收多一次診金。
但我把這情況向另外兩位婦醫生查詢，他們能馬上答無有影響。
還有其他意見及對話反映蔡醫生以錢為主要目的，不是為病人著想，不會考慮病人等了一個小時，仍同診室內病人閒談（診所牆壁薄，無謂傾計聲傳左出來）。

整體評價
醫術經驗不高，診斷依據靠網上資料
未有以病人為本，縱然表面細心慰問
簡評:
個人觀感- 普普通通、中規中距
經歷過程- 求診病人實在太多，等候需時
推介意見- 在無其他選擇下可一試

經歷詳述:

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧

註冊專科分類

睇醫生網 Seedoctor