註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
今日陪老婆去睇呢個醫生 中午12:20分左右去到門口 睇到門口掛住個休息中既牌 再睇一下診症時間 上午喺睇到一點 點解會掛個休息牌 咁冇辦法 唯有去食個晏再3:00返嚟(下午3:00開始應診) 三點去到診所 應診中 入去登記掛號 姑娘話醫生呢個月上午都會返大學開會 下午先開始由大學返診所 所以會喺3:45-4:00先返到 咁唯有出外兜個圈 出去前 我問姑娘 點解我12:20分嚟到 會掛住個休息牌同埋關咗門 佢話冇可能-.- 但我確確實實12:20到咗診所 究竟係咩原因 大家自己諗 出外兜圈兜到3:45分返去診所 姑娘見我返到嚟即刻打電話比醫生 之後佢話醫生塞緊車 要4:15左右先返到 咁唯有再出去行下😡行到4:15分返到診所 醫生都係未到 等到大約4:30醫生先抽住兩包細包裝既米返到診所 行過仲要西口西面 入到房 第一時間同我老婆講 「有咩幫到妳」我心諗 唔係應該問「邊度唔舒服」之後既對答 就好似之前果d人咁講>>審犯、冇禮貌、打斷對話 跟住又同我老婆講話有病徵 所以要強檢 流程之後姑娘會講解 又話診所會提供檢測樽 但要收$100 仲要係自己做完自己提交 我心諗 老婆今朝起身有少少唔舒服 只係想睇醫生攞一日病假休息下 睇醫生前都冇咩事了 點解好似仲辛苦過返工-.-之後出返去等攞藥
攞藥前又係同之前d人咁講一樣 量血壓…..到攞藥時 又係一樣要加$50特效藥錢….呢間診所 絕對冇下次！
(檢測樽最後都要同佢買 因為試過行去荃灣西鐵站攞 冇晒！
又唔想第二日一早去排隊攞)

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
一個不知所謂，，態度不分之差既醫生
之前d咩態度好俾哂十分應該都係打手行為
全程西住面，，態度唔見得好
諗住問佢俾定多日SL，，真係翻唔到工都有得頂數
點知答我一句，，你唔得先聽日再黎過

我真係唔得聽日都唔會再搵你！！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
醫生完全無耐心，態度極差，全程西面。
無帶手套，無清潔雙手就用佢對灰甲手按壓我眼皮，極不衛生。
問病情好似審犯咁，答佢嗰陣時又不停打斷人講嘢。
喺需要有姑娘在場既時候無人陪同，一下扯起哂我件3嚟睇。
睇完之後都係無乜結論比到你，是但開啲藥比你就算。
出去等藥埋單時比錢嗰陣時，姑娘先至幫我量血壓。
一定收特效藥錢。
有得揀都唔使試。


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
原本都冇諗住打返評論
但係見到原來有咁多打手喺度
真係覺得有需要將自己睇周醫生嘅不愉快經歷打出嚟
以免再有其他病人受到假評影響
首先周醫生絕對唔係如眾多‘好評’中所說的細心溫柔
一入去見到醫生就超串咁問有咩可以幫到你
咁我就話我諗我係扁桃腺發炎，然後就俾醫生打斷說話，話我唔應該講自己嘅諗法影響醫生判斷，應該直接講症狀等醫生診斷
咁我又覺得有道理，都覺得自己咁唔好
咁之後就帶住個諗法係聽晒醫生講唔好影響佢診斷
但係之後嘅2分鐘都唔知有無，我就經歷有如被審一般，醫生嘅態度非常惡劣，基本上我答完一句想繼續講就會俾佢打斷
全程都係佢問我問題
成個過程超快就draw conclusion
話我喉嚨有d紅腫
然後就話我要做兩日內做檢測，但係如果係佢度買樽仔要收$100，我緊係say no，因為一分錢都唔想俾佢賺
所以我就問好多關於邊度拎樽仔幾時交嘅問題
周醫生完全無耐性，就話等陣姑娘會俾份表我解釋俾我聽架啦
仲有就係由於一直俾周醫生加壓審問，我連我尋日係喉嚨最痛今日好似無乜痛呢個point都係俾佢趕我走個下，企咗係門口唔肯走先講到
而佢都淨係答咗一句咁係正常架
我心諗點解咁會係正常呢
如果係正常係咪代表我好緊唔需要食藥呢
反正我都得唔到d咩答覆就俾佢趕走咗喇
所以佢完全唔係其他評論描述般細心聆聽，詳細分析
因為從來無試過要做檢測
最後俾錢個陣又因為開咗特效藥要加$50
我問可唔可以唔要特效藥
姑娘又話唔可以
呢間真係黑店黎
唔怪之得咁大間診所，裝修又幾簡單企理，竟然無人等睇醫生啦
絕對唔會再睇，都唔建議任何人去睇
希望唔好再有人收到假評嘅影響最後有不愉快經歷

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
黎睇呢位醫生已經係一段時間前嘅事，本身因為睇的症狀是比較私人的婦科問題而冇打上黎，但由於見到呢到幾個新comment，實在唔想再有其他人比錢比難受，都決定上返黎講返自己經歷。

1. 原來係有請打手，當初我是因此網站的評價普遍正面才特意去睇，但都發現評價幾兩極，現在看到部份留言指這位醫生原來有請打手，即時覺得難怪了。細心再睇先發現好評的內容其實都好空泛，但差評的都能描述診症的具體細節，所以大家都要小心留意此處的報告哪些才是真確的。

2. 有隱藏收費，見好幾個留言都有提及。我本來是因婦科問題去看診，要檢查私處是理所當然，但同樣也是到付診金時才知這個所謂的婦檢要額外收費$200，而周醫生及診所姑娘在事前都未有聲明。而這個額外收費$200的所謂婦檢呢，全程5分鐘都唔知有冇，訓上床比佢望一望，挖一挖問你呢幾個位痛唔痛就完左。而且有個難受嘅位係呢位醫生伸手入我私處檢查時，並非先知會比病人有心理準備，而係一邊塞手指入黎一邊冇好冷漠地講左句「宜家幫你檢查可能會有d唔舒服。」但講緊佢係一邊塞一邊講呢句！這並不是知會！相信女士們都能想像咁樣係幾唔舒服，而且最後連埋佢個隱藏收費收左我七百幾蚊，咁我不如一早去睇婦科好過？起碼真係有專業全面嘅「婦檢」！

3. 見也有不少人提及候診時間問題。我睇左呢位醫生兩次，兩次黎都係一個人都冇，但兩次都係唔知點解要等十幾分鐘才能入去睇。公道d講，第一次去睇佢都覺得正正常常冇乜野，又係女醫生，先會第二次都再去睇。第一次睇時有提及過因工作問題經常要忍尿冇得去廁所，第二次去睇係拎左病假，問佢開醫生紙，堅持唔開，話因我兩次嘅問題唔同，冇得去廁所唔會係今次嘅病因，而且覺得唔會影響到我工作能力。本身以為佢比人呃得假紙多先會咁起鋼，但睇完幾個真實評價先知可能佢性格就係咁。當時嘅感覺真係覺得呢位醫生好唔體諒人！我私人部位有不適，都不可以請病假休息嗎？而且我相信無論邊種婦科問題都好，忍尿或多或少都有點影響吧？我攞日病假調節自己作息及去廁所嘅狀況，點都會有幫助吧？但呢位醫生就是企到極硬，唔開就唔開。當時姑娘都面有難色，可能佢都見唔少呢位醫生同病人嘅衝突？雖然不是傷風感冒發燒那類傳染性疾病，但有婦科不適都係好需要休息，大家都係女性，佢竟然可以以「不覺得會影響工作能力」而作此決定，真係好無奈。

醫生是份需要德性的工作，很遺憾在這位醫生身上實在感受不到對病人應有的關顧，有高昂又不合理的隱藏收費亦是不可接受的。仲要請打手作comment呃人，我當初都係比呢d comment呃左。希望如有其他人有類似經歷都真係要分享，唔好再比其他人受害。講受害真係唔誇張，嘥左咁多錢，仲要換返咁難受嘅感覺，真係好差！


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

註冊專科分類

睇醫生網 Seedoctor