註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
畀尿頻同小便痛既問題困擾咗好耐，一直以黎好辛苦又唔敢同人講，上個月終於用公司醫療卡去咗間喺旺角既診所搵醫生睇，診所就安排咗林醫生比我。

本身對連鎖式診所無咩期望，諗住都係check清楚係咩病同盡快解決經常要去廁所，同埋小便時赤痛既問題，但係感覺林醫生經驗好豐富，見醫生既時候好細心咁了解我既病徵同情況。可惜既係見醫生時間短，而且林醫生幫我安排做既檢查都要排期再等，坦白講我覺得過程唔係咁理想，又浪費時間。

睇完醫生約咗幾次都夾唔啱時間去診所做測試，之後我上網搵完發現林醫生喺尖沙咀有診所，最後就去咗佢尖沙咀間診所睇。今次林醫生幫我做咗尿流速測試，而且喺覆診時多咗時間同我講解病情同埋測試結果，過程一d都不尷尬不趕急，尿頻同痛症既問題都好快有改善。

個人覺得見醫生既時間同診所服務好重要，可能大型連鎖診所因為醫療卡關係多咗批核程序，加上又多人睇，所以睇症時又迫又趕。其實林醫生係值得推薦，但係建議搵佢時，直接去他尖沙咀診所，嗰度服務好好，而且醫生又有足夠時間幫病人講解病情同分析。
簡評:
個人觀感- 經驗豐富、絕不拖症
經歷過程- 雖則過程簡捷，診效尚算明顯
推介意見- 值得向有需要人仕推介

經歷詳述:
我唔記得幾時睇，不過係19年1月。之前尿道有問題成半年有多，睇左好幾個泌尿外科醫生都搞唔掂。同事就介紹左林醫生。我都諗左排，見無咩comment都怯，不過反正咁多泌尿醫生都唔好，睇多個又無壞。重點係我有點特別，朋友幫我問醫生，醫生回佢咩人都睇，咁有啲信心喎。去睇啦，都等左陣，可能我record複雜。醫生比我嘅感覺有點cool同木納，不過堅用心睇症，都要點時間嘅。之後佢話要搽啲藥會先破壞組織然後自然修復（之前啲醫生都無講過呢個方法）。我反正都很差，無計都要試啦，不過要等藥訂到先用得。等嘅時候睇中醫防感染（中藥對付感染真係得嘅），中醫（佢大陸有西醫學位）問我西醫有無方法醫呀？咁我就講左林醫生嘅方案出黎。中醫都話係好合理，不過要好肯承擔責任嘅醫生先會用架，話呢個醫生唔錯。到treatment日痛死我，做完返去抖，不過都好擔心，三日唔埋2日就打返去問醫生姑娘，醫生姑娘都不厭我煩答我。大概2星期就好左好多，不過仲有點不適同外觀跟以前不同，醫生都耐心咁解釋比我聽。咁啱又等到政府，個位其車仲痛痛地，就叫我照膀胱鏡。咁我就再找林醫生做（政府等太太太太耐啦），佢睇完就話唔使做，因為已經唔關事，叫我唔好浪費時間同金錢。而家做完treatment 3個月，其實都回復正常好返曬，所以我真係好多謝林醫生！成個過程亦都無不必要嘅支出！


簡評:
個人觀感- 判症快捷、合情合理
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
本人因為見過林醫生有上電視，對於性功能障礙很有看法，所以就預約他。
結果當天，本人跟他表達了自己的障礙方面，他竟然只提供了一些上網隨處都有的建議。
本人向他提出其他專科醫生的建議方法。他竟然說自己沒有嘗試過， 亦不熟悉那些方法。$1000的診金最後只是提供google search 就可以給的答案，而且他對於本人的困擾毫不在意，還建議本人看精神科醫生。本人在香港居住20多年，從來未試過遇到咁冇醫德嘅醫生。

簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:


簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
本人帶年邁父親求診于林建文醫生，林醫生耐心地向父親解釋得非常清楚，並安慰父親前列腺肥大是長者很常見的泌尿問題，並即時開通醫健通看到父親在政府醫院的抽血癌指數結果是negative，讓父親先放下心頭大石。同時亦有照超聲波檢查膀胱及前列腺，診斷為良性前列腺增生，與年齡增長、男性荷爾蒙變化及細胞增生有關。林醫生給人親切嘅感覺最重要就係對待老人家很有耐性，並且很主動解釋病情原因讓病人明白及放心。他會從病人角度及經濟能力著想，不會為了賺取金錢而建議客人做不必要的治療或手術，感覺踏實，建議很專業。

簡評:
個人觀感- 經驗豐富、絕不拖症
經歷過程- 醫生會從病人出發去提供意見
推介意見- 值得向有需要人仕推介

註冊專科分類

睇醫生網 Seedoctor