註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我是急症的情況去找牙醫的，還要是星期六，家仁牙科竟然有應診，去到不論醫生或姑娘，他們每位都很有禮貌細心，感覺很好，我絕對會推介給身邊的人。

簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 已視為本人的必然選擇

經歷詳述:
上個月去咗洗牙，醫生好細心幫我洗，同時建議我剝智慧齒，因為影響前面牙齒，有小小蛀。二月中搵咗呢間幫我剝牙，醫生非常細心，每個步驟都有解釋俾我聽，不斷安慰叫我唔駛緊張，整個剝牙過程大約90分鐘，順利完成，傷口仲好靚。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
阿女想箍靚棚牙佢，我地有一齊研究透明箍牙，不過上網睇各有說法，牌子又分美國韓國台灣咁，唔知邊樣啱阿女。

問過其他牙醫診所，間間方案都唔同，有間話要剝四隻牙先做到，但阿女唔想剝太多牙。有間話剝兩隻牙都得，不過淨係講箍幾耐同埋幾錢，好簡略帶過就叫我地返去考慮幾時做。最後有熟人推介呢間陳醫生的診所，話親戚喺度箍過各方面都唔錯。

陳醫生對我和阿女詳細解釋適用的幾種方案，分析各方案的好處和缺點，又有了解阿女的意願和擔憂。最重要係建議了一個需時長少少但是不用剝牙的方案俾我地，我同阿女都好滿意。更難得嘅係星期日都有開，我地可以約放假時先覆診，唔會影響我地返學返工。


簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 想充分掌握病情者應試

經歷詳述:
朋友介紹咗好耐，話睇陳思昕醫生好好，不過都幾年前，我再打電話去原來陳醫生多數睇舊病人，好唔容易約到時間。呢幾年已經冇咗三隻牙，一開始啲牙鬆鬆地，成日用手摸佢就跌埋出嚟，唔係好掂，之前睇開個牙醫淨係話要擦乾淨啲牙，去咗睇陳醫生用咗個好巨型機器做咗全口腔掃描後再同我解釋原來係有嚴重牙周病，細菌擴散要盡快處理，如果唔係會掉更多牙。
咁陳醫生就幫我制定左唔同嘅治療方案，簡單嘅就係先做牙周病治療然後再做活動牙托，咁樣會比較經濟，如果想咬合感覺好一啲就要做全口種牙，但係價格比較高。陳醫生都好詳細了解我的經濟狀況及需要，分析左好處同唔好處，最後我決定做牙托，之後經濟狀況好一啲再考慮種牙。
陳醫生係我決定咗之後都好詳細同我解釋治療計劃嘅幾個關鍵時間，以及會由哪位醫生處理哪一個部份，之後又會審視返進度，看看有沒有需要調整的地方。之後牙周病科的趙醫生幫我做咗幾次深層清潔，穩定咗情況之後再由修復齒科的文醫生度身訂造牙托，過程都十分順利，個個醫生都好專業，尤其是陳醫生，俾我知道有不同的選擇，以及尊重我的意願。多謝晒。


簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇

經歷詳述:
自細牙齒就好差成日都蛀，邊隻痛時就去搵牙醫補邊度，結果好後生就成口爛牙勁肉酸。好在後來左問右問搵到陳醫生做我嘅牙科主診醫生，幫我制定咗個全面治療計劃，治療過程其實幾漫長，亦牽涉到唔同科別的醫生，好似隻牙要杜牙根有專門杜牙根的王醫生，整牙套和植牙由修復齒科專科醫生謝醫生做，初頭都好擔心又唔同醫生做會唔會唔一致，但係幸好陳醫生呢度係自設專科，唔駛轉介出去，我嘅情況、紀錄、進度每個醫生都掌握得好清楚，而且我見陳醫生同團隊其他醫生有咩都可以即場溝通商量，調整治療方式。多謝晒陳醫生團隊多位醫生同姑娘嘅共同努力下，逐步逐步幫我整返好啲牙，而家我感覺到有明顯改善，希望呢個分享會幫到有需要嘅人。

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 值得向有需要人仕推介

註冊專科分類

睇醫生網 Seedoctor