陳思昕醫生

陳思昕醫生醫生- 尋醫經歷詳述:
距離上次洗牙都過了好一段時間，其實覺得還未有太多污漬，但想過都是定期洗牙穩陣一些。

原來陳醫生已搬咗上千色匯，終於畀我book到星期日， 新地方更大更pro，好似去了中環咁款，姑娘都有七八個，但今次幫我洗牙的不是陳醫生，是另一顏色制服的洗牙師，事後問過正名是 (牙齒衛生員) 。

首先她很詳細透徹檢查我的牙齒牙肉，了解我日常習慣及講解牙周狀況，然後陳醫生親自入來替我再作牙齒檢查及了解跟進。洗牙師正式幫我洗牙，程序一步一步真的很仔細，總之前前後後裏裏外外都照顧到(不只是洗咁簡單) ，還幫我將門牙表面比較凹凸部分稍為整平以減少牙菌積聚機會，所有過程應該最少20分鐘以上。

之後，陳醫生原來還會過來再覆查及了解跟進。以為已經完結，因之前同洗牙師說過我剛轉用電動牙刷，她竟然找來電動牙刷示範教我怎樣正確使用，令效果好些，最後還將該電動刷頭及其他牙膏牙刷漱口水當小禮品送給我，完全好像亞仔亞女去兒童牙科保健一樣。

平心而論，咁嘅價錢一年一兩次咁嘅牙科保健服務，唔止值其實係抵！

簡評:
個人觀感- 詳盡親切、耐心施診
經歷過程- 醫護人員親切有禮的提供協助
推介意見- 已視為本人的必然選擇

陳思昕醫生醫生- 尋醫經歷詳述:
"欠缺提供真實聯絡資料,暫評為不詳實報告"
現正進行核查中

陳思昕醫生醫生- 尋醫經歷詳述:
個女放暑假之後，我同佢就趁有時間去問下cool牙。個女棚牙細個就開始哨，初頭覺得無乜嘢，但入咗中學之後個女就成日向我投訴自己哨牙成日被人笑，所以今次唔想再拖，的起心肝想幫個女完成心願。

同女女一齊研究隱型cool牙，問過幾間診所，發覺不同診所的價位都有不同，關鍵是他們用美國、台灣還是韓國的牌子，美國的隱適美價位最高，但好多人都用。最後都是選擇找陳醫生做，一來她是隱適美特約醫生，二來陳醫生對病人很用心，連對我個讀緊中學的女兒都好詳細解釋cool牙的幾種方案，讓我個女同我都有份做決定。最重要是之前問過第二間幾出名的診所，那位牙醫一開始就話只得一個選擇，一定要剝四隻牙先做到，我個女唔想剝太多牙，結果陳醫生向我們建議了一個需時長少少但是不用剝牙的方案，我同個女都好滿意。

不過要做隱適美的話不要找距離自己屋企太遠的診所，因為中間要頻密覆診換牙cool。

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 不可多得，值得等待

陳思昕醫生醫生- 尋醫經歷詳述:
見到評論唔錯又位置方便，於是預約去洗牙。雖然病人唔少，但時間管理做得算ok，大概十分鐘就見到醫生。

醫生檢查過之後建議我照張大片，因為我刷牙刷得唔好又食得煙多，有中度牙周病。醫生同我解釋過張片後，我先發覺問題有幾嚴重，再唔處理有幾隻牙會救唔番，但係唔知點解之前睇果啲牙醫從來都無同我講過有得解決。之後我番屋企打電話問下其他診所的報價，發覺醫生報嘅平咗一截，又有得碌卡嘈分，於是決定約時間做。

成個牙周病療程要番去幾次做深層清潔。如果經常流牙血，真係要及早檢查，如果唔係到時無左隻牙再種番隻假嘅就喊都無謂。

成個求診過程感覺幾受重視，醫生幾細心溫柔，唔會好似我以前睇嘅牙醫一係事旦噴下水耍我，一係好似劏豬咁粗暴。
姑娘之後又會打番電話俾我問我有冇唔舒服，都算物有所值。


簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 想充分掌握病情者應試

陳思昕醫生醫生- 尋醫經歷詳述:
好耐之前都諗住箍牙，等棚牙睇落去整齊啲，但係成日都覺得係啲大明星嘅專利，好鬼貴。前排見到番工附近陳醫生的診所，原來都有做隱適美箍牙，一問之下發覺價錢都唔係想象中嘅天價，可負擔之餘亦可以分期俾。決定做之後發覺揀一個好的醫生都幾重要，療程要做成一年但陳醫生每次都好細心好詳細咁解釋每個程序，箍牙之餘亦會同時處理口腔其他問題，而之後每次覆診亦唔駛再俾錢，清清楚楚無附加雜費。

間診所雖然唔係好大好豪華，但係都幾新淨有齊設備照x光，唔駛出去第二度照。依家療程過咗一半都見到效果，幾滿意。不過如果要睇就最好預約平日，星期六日都幾多病人。

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 優質醫療服務理應如此