註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我女的耳朵有發炎症狀， 我一早去排隊，我排第二。但診所未有按排隊順序安排看疹。我見在後面的人都看診，仍未輪到我女，我己經兩次友善追問我女的輪候情況。第一次姑娘話已安排，第二次就話我張醫療卡有問題；第三次忍不住去吵，因為我已等左成個鍾，我見好多在我後面的人都已經睇醫生了，且明明診所講唔可以電話預約，我見有人稱電話預約，一入去就有得見醫生。在我吵一吵情況下，醫生馬上見我。
然後，不用兩分鐘時間就話我女外耳炎。我問醫生，那內耳有沒有事，她說應該沒有事，因為好少同時內外耳有事。因為我未見她幫我女做檢查就判斷我女中耳，內耳沒有事，我就問她，你沒有檢查怎知她的中耳沒有事。她就說她檢查時，我女的耳會痛，我女會不合作，她根本無法檢查。就這樣求求其咁教了藥水給我女滴。
首先，這間診所安排看診沒有系統，浪費病人時間。另外，醫生一點不專業，沒有檢查就妄下判斷病人病情。第三，醫生毫無耐性，兒童一不合作，就放棄檢查。


簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
保險每2年有一次免費婦科檢查，之前一直選她，因為位置近時間也多可以方便放工看。結果今年她改左診症時間又不通知保險，由一至五晚上20pm提早至18pm,星期日本來10-14pm直接關門,迫住星期六朝早返工前去看.
診所完全無分流，咩事都迫埋一齊，預約檢查，看病和打針都一樣，所謂預約是假的，無時間觀念
星期六開9點，我約9點，已經提早左未到9點到，結果門外已排長龍。問診所職員話預約左都要排隊登記
一排半個鐘都未登記到，再問登記左還要等半個鐘至九個字，無可能返工前等到，無奈白排都要走


簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧

經歷詳述:
本人兒子發高燒求診，診所9時營業，8:30am以左診所門口等候，排第二，當日有不小人排隊等候，但我眼見很多都是打武漢疫苗，真正睇病很小，可能因為咁所以比打針人士見醫生先，但等待其間竟然有個5-60歲的大叔唔係打針人士不斷稱讚護士，該名阿叔就可以打尖睇醫生，我明明排第二但到我睇完醫生要一個小時，極之不公平，而且我問護士藥物存放約耐，答案竟是幾個月，本人十分不明白該診所專業在哪？
而醫生都有積極幫小兒搵發高燒原因，但都搵唔到原因，3日後唔退燒就覆診，其實如果3日唔退燒我以同兒子去醫院了

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
首先,醫生診症中規中矩。略為媽虎。

今次主要談及護士（尤其嗰位粗黑眼鏡框矮小𡃁妹護士）態度惡劣,馬虎,導致我這老人家額外畀多一次無謂診金。

話說隻腳唔舒服,可能因2日搬屋而扭親,去搵李醫生醫生診斷後,叫我去照x光,冇問題！之後返嚟再診斷,話應該問題不大,休息下應該會自動好返。

問題在於,為了索償保險,這是意外性質,所以單據必須要有“意外”字眼,第一張冇問題！第二張單據只講“腳痛”！當然不可！唯有走回頭叫醫生寫番”意外”。但是護士聽唔清楚我嘅要求,就安排咗我入去又見醫生！醫生又問我什麼事？我話想寫番張單據,要有意外一詞,她就1分鐘後,就叫外在房外等等,之後就當我重新應診,護士畀個另一張單據我,又再收我多一次診金！真是無辜！而我最初嘅問題仍未解決！！我的兒子幫我打電話去查詢,護士無深入了解問題,亦冇耐性聽,言談之間亦突然收線！！萬般憤怒！！我兒子再致電,護士就唔接他電話,飛落留言！唯有親自落去診所解決問題！！

對於李穎媚醫務所的態度,非常失望,雖然多年街坊,從未幫襯過,亦以後不會再幫襯。bye bye!!

簡評:
個人觀感- 診效不顯、收費不稱
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
屋企人幫我搵醫生，book左睇呢位，第一日打黎話改時間，第二日放工遲左10分鐘到，明明診所無人，都要等，等左好耐入去，醫生問左幾條病史問題，就叫姑娘同我入房。我入房時想同醫生姑娘講番我點解想睇醫生，姑娘叫我同醫生講，醫生好快就入黎，幫我檢查，但驚奇個檢查歷時1-2秒就結束，我都黎唔切講番同醫生講點解會睇醫生，醫生亦都無問我，我就問醫生我點點點，醫生話無野呀，當時佢手套都已經除咗。仲望住我，覺得佢好似問緊我, “ 你唔係要我帶番下話？”

好唔認真好無結果的一次睇醫生，咁就俾左900蚊。

反而姑娘好好，但個醫生就咁差
簡評:
個人觀感- 有欠詳盡、耽誤病情
經歷過程- 只知取藥付費，未能盡釋疑慮
推介意見- 本人絕對不會再作光顧

註冊專科分類

睇醫生網 Seedoctor