香港睇醫生網首頁
[ 會員#19358 ] chanck

右邊睪丸疼痛

25歲
右邊睪丸疼痛已經痛咗20日,初初頭一星期睇家庭醫生,佢話可能係做運動時拉嚫右邊睪丸,因為醫生就咁檢查同睇都話冇腫冇大,所以開咗啲止痛藥俾我就叫我走!
食咗啲藥,都係繼續痛,於是走咗去私阮到睇泌尿科醫生,呢位醫生都係同我檢查,都係話話冇腫冇大,佢就安排我做個睪丸超聲波同照CT腹位同驗尿,結果CT照完冇事,驗尿亦正常冇細菌,睪丸超聲波報告寫右邊附睪有小量充血,醫生話右邊附睪炎,開咗一星期抗生素俾我,由我選擇食定唔食,因為佢話好輕微,唔食藥都得嘅,會自己好番,但選擇食就食晒成個療程。
我選擇食晒成個療程,依家食晒啲藥,右邊睪丸仲係陰陰咁痛,好唔自然嘅感覺,葉醫生,我好擔心有其他事,我想問我可以點做呢?係咪真係做運動時拉嚫咗,自己會好番呢?麻煩葉醫生
檢查包括电腦掃描應該很詳細,超声波檢查也很準確的。如果兩项檢查都沒問题,那病症可能是輕微的慢性前列腺炎。這病的疼痛是可以輻射到睪丸的。提議服用兩至三個星期抗生素作医治。

葉維晉医生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved