[ 會員#19237 ] Manny

溢淚,鼻塞,流鼻水,喉嚨有粒野

病患者男 - 24歲

兩三年前左邊眼睛開始經常流眼水,按淚腺位會有淚水溢出及有分秘物。兩年前睇過眼科,通淚管通唔到就不了了之。上個月再睇另一位眼科專科,再通淚管就通到,但好明顯左邊係冇咁暢順及感覺藥水去到鼻位好似少少頂住咁。眼科醫師有建議我睇下耳鼻喉科。

因為我細細個就經常鼻塞,尤其瞓教特別嚴重。平時都有流鼻水,打噴嚏。同埋吞口水時都會感覺左邊鼻咽唔通,塞住塞住咁。時不時又會頭痛。瞓得唔好及食熱氣野多情況會更嚴重,朝早起身左眼好乾及有更多分泌物。同埋左邊喉嚨位有粒野比較突出。唔知係異物定係喉骨。會唔會有機會係平時姿勢唔好令到喉骨長歪而令左邊鼻咽個啲塞住?

會唔會可以檢查到我究竟點解會溢淚。因為成日同人講野講講下會流淚眼水會好尷尬。特別係大笑就會流。
你好!涙管堵塞引起溢淚,可能要動手術。從鼻內做微創手術,可以免除面上疤痕。耳鼻喉科醫生會先檢查鼻腔,若有鼻中隔偏歪,可能也要矯正,然後把淚水從淚囊直接引流到鼻腔來減少溢淚。

周順傑醫生
耳鼻喉科專科醫生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved