[ 會員#18819 ] 李思敏

我吾知道自己係咪有病

醫生你好,女性今年15歲,係岩岩升上高中既中4學生。最近發現自己既情緒越黎越控制吾到,係吾定既時間會爆喊而且係聲嘶力竭咁喊,好似就快抖吾到氣咁,最多發生係深夜既時候。

屋企人都以為我係發惡夢,但係我知道吾係因為我根本未訓到。間吾中既失眠搞到身為學生既我辛苦,學校都就快考試,我既壓力好似就快爆煲。

加上,我係中一未入學既時候因為一些誤會而被高年級同學欺凌,試過被劃花書,倒野飲等,又受到同學既杯葛。我曾經自殺過,但沒有成功,最近自殺念頭頻頻,而且對任何事都好敏感,對之前的悲痛經歷難以釋懷,甚至不斷回憶,發惡夢,有幻想同幻聽。

到底我係咩病?係咪好嚴重,一定要睇醫生?感激
你好,

香港的學生面對重重壓力,讀書壓力大,對學生要求十分高,着重死記硬背,往往令同學吃不消。加上考試測驗頻密,把人壓得透不過氣。

當面對承受不了的壓力時,精神及身體便會出現不同的狀況。例如好像抖唔到氣、想大叫、失眠等等都是常見的症狀。就如你所說,覺得壓力好似就快爆煲,這現象在中學生中愈來愈常見。

若長期面對沉重的壓力,情緒便開始失控,嚴重者,便有機會出現情緒病甚至思覺失調病徵。思覺失調病徵包括幻聽、幻覺及妄想等等。

在壓力開始的早期,應及早尋求解決方法。例如和朋友家人商量、讓學校及早了解自己的情況並獲得諒解,以減輕外在壓力。對自己的要求,亦要切合自己能力,切忌眼高手低。這樣便能夠減低內在壓力。情況情況嚴重時,可向精神科醫生尋求協助。

謝謝

陳蔓蕾醫生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved