香港睇醫生網首頁
[ 會員#17887 ] yambechu

頸, 肩膀, 脊椎都痛

病患者女 - 24歲

醫生你好,大約今年三月因為脊椎問題去睇專科,同時都有照X-RAY,,醫生話盆骨移位,做一次物理治療先,另外返屋企做少少拉筋運動。做左幾日,我開始都無咁痛。

直到上個星期,訓醒覺之後,我的頸肩同脊椎都好痛。初時以為訓覺姿勢問題。但我第二日後,眼睛開始睇野好多殘影咁,覺得自己好似發緊夢,個心好似成日都好驚咁。之後既病痛愈黎愈多;訓覺時候手指同腳會不自覺跳動,訓唔到覺;手軟腳軟完全無咩力;心跳好似好西利;右腳腳底冰冷同麻痺;容易出汗;無咩胃口;周身骨痛等。以上反應令我嚴重失眠,但明明我係好累好眼訓。

之後去睇左次中醫,幫我針灸過一次,無咩改善。
西醫食止痛藥,隔一陣就會痛返。
之後試下自己做D拉筋運動,都一樣唔得。
已經痛左成個幾星期,好希望醫生可以話我聽出現咩問題,令我可以有覺好訓之外,睇野唔好咁唔真實。本人真係未試過咁攰,謝謝你。
謝謝你的來信,你所説的病情頗為覆雜,應要作抽血和造影檢查以確定病因,但你應該找一 位骨科專科醫生主理此事,以安排適切的檢查。已經病發三個月了,應該要認真診治的時候了。沒有給你做過身体檢查,不能隨意猜測你的病因,但是,那三個月内雖然病情像是每況愈下,但卻不像是危疾那種暴發的狀況,這你可放寬心的!千里之行,始於足下,早看專科吧,祝早日治癒!

以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved