香港睇醫生網首頁
[ 會員# ] 橙

應該睇邊科?

醫生你好!
有個問題已經纏繞咗一年半有多,睇左好多醫生都搵唔到病因,好辛苦好困擾日常生活!請醫生幫幫手,資料如下:
男性,32歲
病徵1)行路嘅時候個人好似企唔穩咁,每行一步都沉一沉,感覺就好似踩棉花,或者係落船搖下搖下嘅感覺,有時好似有人推我咁,會想跌,但旁人睇我行路覺得我完全冇問題,行得好正常,唔覺得我似會跌。情況一年半有多,每天如是。(最主要係呢個病徵好影響日常生活)
病徵2)左邊後腦至頸部常覺不舒服,似有野壓住後尾枕。
病徵3)左耳常塞,搭𨋢去到十樓左右就會塞左。
病徵4)後腰條骨有一節按下時會痛,有時彎腰都會痛。
.
以下係我睇過的專科:
1)一開始睇椎醫,照x ray 指脊椎有少少彎曲,及頸椎較直。但唔算大問題。
2)然後睇耳鼻喉科,冇問題,唔係耳水不平衝。照鼻,耳,頸甲狀線,全部正常。
3)之後睇腦神經科,照頭部mri,驗血。腦一切正常,驗血報告指白血球數較偏低,但腦科醫生話唔係大問題。
4)一段時間後,情況仍然一樣,再睇一次腦神經科,再照腦mri,驗血,肝腎功能,甲狀線,全部正常。
5)轉睇精神科,醫生話係焦慮症,食左三四個月血清素加其他輔助藥如減慢心跳,但清況一樣,完全冇改善,精神仲比之前更差,影響工作。
.
最近覺得情況又差咗,行路浮沉感愈來愈嚴重(但重申一次旁人睇我係冇問題),最近亦常頭痛頭暈,好想知道自己究竟咩事,要睇咩科先可以幫到我?
大約6個月前照過腦,一切正常,使唔使再照一次?
定係要睇頸/腰?行路浮沉關唔關頸腰事?咁要睇咩科?
定係其他身體問題?
請如果有醫生解答到,請幫下我!!
謝謝!
橙先生
謝謝你的來信,如你所述,經過多位專科醫生診断,多種檢查,應該沒有嚴重的疾患,你可放心; 但我相信你的症狀仍是對你有相當困擾的,肢體感覺異常和協調問題,再加上間竭性的背痛,雖然不一定互有因果,但都是骨科範疇,可讓骨科醫生檢查及提供意見,事出有因,你努力延醫尋找病源是對的。

錢炳航
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2020 www.seedoctor.com.hk
All rights reserved