香港睇醫生網首頁
[ 會員#16670 ] beasy

脫髮煩惱

病患者男 - 23歲

你好,
我自從過了澳洲3個月到就突然發現有甩頭髮問題,頭頂和前額某些位置見到頭肉(係香港時冇衣種情況),所以返香港睇皮膚科,驗血報告出了沒有貧血和甲狀腺問題,初步確認為壓力,氣侯和飲食影響.

之後醫生俾左生髮水,同一隻BIO-CLEAN既洗頭水我用,叫我2個月後再去睇, 現在過左大概一個月了, 感覺冇咩幫助,某些位置衣然見到頭肉. 我是否其他問題引致甩頭髮? 有冇分法驗是否先天性脫?不過我家人冇人甩頭髮的.

因為我唔想情況變得再嚴重,所以我想問既係我點判定洗唔洗食藥?
Beasy 謝謝您的提問,

您的皮膚科專科醫生確實為您提供了很合理的檢查及治療方針。請相信他的專業意見,按他的建議覆診,再將您的疑問向他說明。

至於您其他的提問,以下是一些初步答覆﹕

1) 我是否其他問題引致甩頭髮?
最大機會是休止期脫髮(Telogen Effluvium),就如皮膚科醫生所說,壓力及環境轉變(您說您剛去到澳洲三個月)會有所影響。

2)有冇分法驗是否先天性脫?
沒有。但有些簡單檢查,如Hair Prick Test,可以幫助診斷休止期脫髮,而拔出的頭髮,亦可放在顯微鏡下看髮根,檢查頭髮的健康狀況(如有沒有圓禿的Exclamation Mark Sign)。

3)我唔想情況變得再嚴重,所以我想問既係我點判定洗唔洗食藥?

您是說保康絲Propecia嗎?如診斷是休止期脫髮,Propecia不適合。
但有一種瑞士出的Supplement,叫倍髮加(Pantogar),可幫助休止期脫髮。可以問問您的醫生吧。

盧樂強醫生
Dr Lo Lok Keung, Roger
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2020 www.seedoctor.com.hk
All rights reserved