香港睇醫生網首頁
[ 會員#16345 ] ho kevin

你好方醫生

本身我係一個準爸爸,我太太巳懷孕33週,我太太在本年3月9號產檢完,3月10號晚上在家突然心臟停頓,我即刻報警,然後一路叫佢,過了6定7分鐘救護員就到當時大約晚上9點,救護員即刻係房幫我太太做心外壓加電擊,我就執起去醫院要準備的野,警察亦到了,跟住即刻去醫院,當時救護員一直做心外壓送左去威爾斯醫院,搶救後醫生話我太太心臟停頓左超過30分鐘影響最嚴重是大腦,之後醫生講我太太由救護員到達屋企至急診室我太太心臟都是停頓,一入急診室一搶救就有反心跳10分鐘之後又停左,當時婦科醫生決定開刀拎bb出來,之後有反心跳當時9點50分,跟住搶救完醫生就出來同家屬講因為我太太加起來心跳停頓左有30分鐘,所以腦部損害得最嚴重,初步估計孕娠毒血症,痒水入血,子宮與胎盤分開,同當時心臟好差,之後係ICU醫生同我太太做了冷凍治療72小時又俾左訓覺藥,之後差不多每天都見唔同既醫(ICU,婦產科),ICU既醫生話其實都唔知我太太點解心臟停,不過首先睇下點幫我太太,婦產科醫生話唔係孕娠毒血果D….唯一肯定心臟當時係差,但係點解差就唔知,因為當時醫生check過腦無出血,肺無血塊塞住,其他器官無事,醫生話d症狀唔似會影響到心臟停,醫生都唔明白,同埋最主要一點係我太太出事係3月10,最後一次產前檢查就係3月9號,我太太既產檢之前一路都無問題係有一次血壓13X健康院轉介反醫院2次,2次都高,第2次檢完第2日出事,同埋出事後見我地既婦產科醫生當中講解高級D顧問醫生就係當日幫我太太產檢,所以佢講咩都好,我都有疑惑,同佢講解屋企人唔係好明,其實我太太有將當日產檢流程口錄whatapps俾朋友當時有提到姑娘有幫佢量心跳係130,當時姑娘重好緊張話咁高之後重pass左俾另一姑娘重問佢有無唔舒服幫佢探熱重話問下洗唔洗即刻見醫生,不過姑娘話得反3,4個叫我太太跟尾,我太太見完醫生話我太太無事,只係血壓高小小但就無題心跳(9號當日第1次血壓145,第2次139),我見醫生果時就問佢我太太係因為心臟停入院所以我想睇反佢9號產檢心跳幾多,佢話無記錄,重話原來無一個位置寫心跳記錄,我同屋企人都覺得佢隱瞞左,之後我就去病人聯絡主任講反件事同我想知道既野,因為所有人都覺得有記錄連深切治療其中一個醫生都話無可能無,但婦產科醫生話好多時姑娘有量,但低就無記錄高就有,我問佢點叫高,佢話140,150,160….icu個醫生搵過真係無,我都上衛生署個網搵過原來係得身高體重同血壓,我覺得真係有問題,好多時血壓都會加埋心跳,姑娘明明有量點解唔寫低,因為我覺得今次我太太件事如果醫生見佢血壓145心跳130處理既方法一定唔會係話佢事約佢2個星期後覆珍,今日3月31重未知原因,都好難追查產檢當時有無問題,醫生話要幫我太太做的治療都做完,之前去到第5定6日果時icu既顧問醫生建議屋企人俾佢自然離開,我太太才30其實產檢當日有無問題????我已經同醫院,醫管局投訴過,佢地既回覆我覺得真係無意思,好無耐心!!!我太太入左院之後重擔心真係離譜,我太太無活動能力講唔到野,係icu醫生話我太太唔算緊急同icu病菌勁D為由,第2日日轉出心臟內科加護病房,轉左出去之後即刻要用口罩出哂汗無人理,第2日日頸造口有金黃咩咩連球菌,過左一排用同一說話要轉出普通病房,開頭講話有人定時抽痰抹身換片,換片的確有,其他就屋企叫都可能等十幾分鐘半夜我按 鐘部機一路響都無人理,2個姑娘照顧4,5十個病人,我明白現在點解咁多醫療事故,唔夠人手,加上姑娘麻木哂
Kevin, 得知你太太的情況,本人深表遺憾和同情。

聽你的描述,你太太當時可能有羊水栓塞(Amniotic fluid embolism),其他可能性包括妊娠毒血症、肺靜脈栓塞、急性中風、心臟衰竭等。

不論是以上那種情況,醫院都會用醫療團隊作治療,包括產科、ICU、內科(心臟科或腦內科,視乎診斷)或腦外科(若腦內有出血情況)。

建議你可諮詢她的主診醫生,如有需要可由主診醫生安排見其他科醫生作諮詢。

希望你能振作,保重身體以照顧太太和BB!

方秀儀醫生
婦產科專科醫生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved