香港睇醫生網首頁
[ 會員#15535 ] Peter lp

有關神經衰弱(情緒病)問題

半年之前有焦慮症同驚恐症嘅症狀,但係休息左一排同埋自己諗通左好多野,知道呢啲係病嘅情況,食咗大約三四個月中藥,焦慮同驚恐嘅症狀基本上都消失,可以自己控制到,但係不知道是不是經過這段時間,自己感覺到啲神經衰弱的問題還未解決,例如間中會有些精神恍惚的感覺(即係無啦啦個人諗唔到野好彷彿嘅感覺),同埋出街嗰陣時間唔中去到一啲鋪頭要集中留意某啲嘢嘅時候個人就會好暈(基本上唔可以暈,可以話用飄飄然嘅感覺形容)
上星期去咗打麻雀開頭都無事但係打咗大概四個鐘頭左右開始feel到個
腦唔可以再諗野好攰好想閉目入神休息。
我自己感覺到好似用多少少過路或者緊張就會有咁嘅情況

想請教,這些是不是腦神經衰弱?
因為這幾個月都已經有服用維他命B集,雖然情況比起開頭已經回復咗七成,但係仲有兩三成我想解決埋佢,請問我是否需要去看西醫?還是去一些出名的中醫師飲藥飲返一年半載?
你好,根據你的形容,你的臨床診斷很大機會是神經衰弱(Neurasthenia)。通常神經衰弱分兩大類型:第一類是病者用腦過度後感到疲倦,第二類是輕度用力後感到疲倦和身體虛弱。這兩種類型的患者都常有頭暈,頭痛,失眠,易怒和肌肉疼痛等。加上你曾患有焦慮症和驚恐症,所以你患有神經衰弱的機會頗高,因為這些症狀全屬於精神官能症(Neurosis)。
至於治療神經衰弱的方法大致上分為藥物,心理和生活習慣的配合。如患者是有輕微症狀,可從基本的生活習慣著手,如充足睡眠和休息,避免煙酒,健康飲食,多做運動和減少刺激性活動等。但當患者的病徽比較嚴重時,醫生可按患者情況處方抗焦慮藥物,可有效控制病情。

宋永權醫生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2020 www.seedoctor.com.hk
All rights reserved