日常呼吸及睡眠呼吸問題

你好～醫生

本人26歲，細細個已經因為鼻水倒流同鼻敏感搞到成日咳，我係幾個月前因為成日咳，咳傷左氣管，果時有幾日大力少少都覺得好似支氣管痛，所以決定開始戒飲凍野，之後就無咩事，連咳都咳少左，不過就係因為咁樣，我從果次就有左個壞習慣，間唔中就大力吸氣同呼氣，但發現近排大力吸氣時候好似有野扯住咁，果種感覺又唔算係痛，但就係有些種扯實既感覺，其實當我再吸第三下之後果種感覺又無左，我其實已經有成9年無做過運動，而近排都開始下定決心做運動，而跑步時候除左胃抽筋之外，都無其他地方唔舒服，其實係咪我平時無做運動，而氣管失去左彈性，所以間中大啖吸氣時候會有扯住既感覺？

仲有近期我d痰濃左好多，好難先咳得出，痰係白色既，鼻涕有時係白中帶少少黃，仲有尋日開始訓覺時候就黎知道自己好累要訓著，發覺呼吸好弱，自己驚一驚又醒左，由12點幾去到三點幾先訓得著。
係咪個肺有事呢？？

麻煩醫生可以解答一下，謝謝