香港睇醫生網首頁
[ 會員#14827 ] May

精神科問題

本人男友個爸爸情緒一直都很好,但唔知關唔關因為自從知道自己個女患左癌症之後,好似變左另一個人感,他的老婆一直都有工作,有時會收零晨四點,最近他時常話他的老婆係而家工作緊GE地方有個男人,但都不是他親眼看見只是聽人講,所以經常嘈交,之後他的老婆去左個女到訓,佢又半夜三更打比佢話叫佢番去,但回到去佢又再不斷話佢老婆出面有男人,又話佢d朋友見到佢老婆同人飲茶,之後佢仲走上去佢老婆公司到,夜晚番到屋企又嘈,成日話聽人講見到佢老婆同人一齊,嘈到仲話離婚,之後我地同佢傾,佢就話你估我好想講離婚,你知唔知我幾辛苦,一日三餐係出面食,老婆又唔煮飯,去旅行同飲茶佢只係會同朋友去又唔同佢去,老左更係想另一半陪下,之後我地咪問佢想唔想佢老婆番屋企,佢話想,但我地話即刻番就無可能,不過如果你老婆肯番黎你應承我地唔好再提佢老婆出面有第二個男人,佢話如果佢肯煮飯,得閑陪下佢飲茶同去下旅行,佢話唔會提,第二晚佢去左同佢個女同老婆食飯又冇野,但隔左一日,佢又黎過,又再提番佢老婆有第二個男人,仲話佢d朋友叫佢搵人去打果個男人,之前只係覺得佢爸爸間唔中唔記得野,但而家都唔知佢究竟係有病定係乜,攪到成家人都好擔心,我地應該點樣做呢﹒?
Dear May,

如果男朋友爸爸在沒有真憑實據下一口咬定太太有外遇,那就很可能是患了morbid jealousy。morbid jealousy 是妄想症的一種,你與他講道理是沒有用的,因為他的妄想跟本不是在邏輯下推斷出來。反而你是了解他的情緒,因為情緒是沒有對錯之分。妄想亦可以是腦退化症的一個徵狀,患者也有善忘,思想遲緩等徵狀。
抗精神科藥物可以緩和妄想徵狀,應及早求醫,以免不幸事件發生。

鄭上
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2020 www.seedoctor.com.hk
All rights reserved