香港睇醫生網首頁
[ 會員#14163 ] 陳

耳鼻喉

非常鼻塞,已經持續了最少一個月,之前因為氣促和呼吸困難入醫院,心電圖,X光照肺,驗喉嚨分泌物同埋驗血都無問題,醫生話我係鼻敏感所以會鼻窒同埋覺得呼吸唔到,開了cetirizine hcl三個禮拜比我.
入醫院前自己照到右扁桃腺有白色粒粒係到,咳唔到,睇診所醫生話係發炎,開了消炎消腫比我,但係到依加粒白色粒粒仲係到,喉嚨都覺得塞塞地.
仲有依幾日右頸仲有少少痛,經常頭暈,摸到喉嚨附近右邊腫起了,按落去係痛,按完放開仍會持續痛,望唔到但摸到,但左邊無類似情況
鼻窒,扁桃腺粒白色粒粒同埋右頸近喉嚨腫起有無關系?
扁桃腺白色粒粒係咩野東西?需唔需要理會還是要看醫生?
右頸近喉嚨腫起又係咩野事?我要立即求醫還是等待睇下有無惡化?
你好!最常引起鼻塞的原因是鼻敏感,但不會引起你所說的喉嚨和頸部的不適。你所說的問題,可能是扁桃腺發炎和結石,所以有喉部不適和扁桃腺有白點,亦會引致頸淋巴核發大和疼痛。建議你作耳鼻喉詳細檢查和治療。

周順傑醫生
耳鼻喉科專科醫生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2020 www.seedoctor.com.hk
All rights reserved