心臟衰竭？頭暈？

病患者男 - 34歲

醫生你好

本人文職工作，作息飲食正常，少運動，食煙10幾年，未打疫苗。

11月頭：行街中途頭暈，心跳加速心口痛，叫白車去急症室，量血壓、驗血、心電圖check過冇問題放走。（由這天開始再沒有食煙）
11月底：去診所做身體檢查（12月中有結果：全部正常）。
12月頭：上班中途又頭暈，心口痛，又去急症室，留院兩晚，量血壓、驗血、靜態心電圖、24小時心電圖、腦X光，都check唔到有問題，唯有比止暈藥給我放走。
12月中：睇心臟專科醫生檢查，驗血、靜態心電圖、運動心電圖、24小時心電圖、心臟電腦掃描
（以上都正常）、心臟超聲波（唯獨心臟超聲波顯示我心臟泵血功能差，正常人60%我40%，醫生告訴我有心衰竭 ），開左Entresto藥給我，再等安排做其他檢查check原因。
12月底：安排做心臟磁力共振（check了冇有心肌炎心肌水腫）。
1月頭：專科醫生約我覆診，再開兩個月Entresto藥給我，但check唔到點解有心衰竭，亦都唔知點解會頭暈，聲稱安排我照腦X光再睇清楚。

我想請問醫生：
1. 我沒有氣喘、水腫，血壓、血管、血糖、膽固醇都正常。但我有易疲倦、難以入睡、心口痛，我這情況真的是心衰竭嗎？
2. 心臟專科醫生話我頭暈唔關心衰竭事，可能是其他原因，以我上述情況，我可以去睇其他科嗎？例如耳鼻口科？神經內科？內分泌科？
3. 最近疫情緊張，以我現在情況，是否都不建議短期內打疫苗？
4. 同現在醫生可能有點溝通不了，拎齊所有報告去搵其他心臟專科醫生，會否需要重新多一兩個月做過所有檢查？或是其他醫生睇報告就大概知道？

謝謝醫生