左頸痛

病患者女 - 41歲

3月尾有朝早起身大半小時後，突然天旋地轉、標汗、兩邊耳塞、想嘔嘔唔出，睇咗一位腦外科醫生，一聽到我話天旋地轉就話轉介我去耳鼻喉科（當時未有頸痛）
4月入政府醫院照腦CT、心電圖、驗血一切正常，之後照腦及頸MRI都正常。
睇咗四位耳鼻喉科醫生，分別話我耳水不平行、耳煙館閉塞⋯但之後照耳鼻內窺鏡是正常。
之後睇咗一位腦內科醫生，佢開咗20日抗敏感藥俾我，因為佢估我鼻水倒流引致耳煙館閉塞，話睇過我嘅報告好正常，建議我去按摩推拿。
直至今日右耳朵好像沒塞，左耳及左腮位間中感覺怪怪、左邊頸痛、左邊後腦及前額頭感覺漲痛，尤其向左側睡感覺更加脹痛、後腦枕位脹痛。之後再睇兩位骨科醫生，照X光話頸椎直有骨刺，物理治療師話係斜方肌問題，呢三個月以來不斷睇咗好多醫生，用咗好多時間同金錢，食咗好多藥，但係都冇改善，已經睇到好沮喪，請問彭醫生我係乜嘢問題？