香港睇醫生網首頁
[ 會員#22355 ] 面好痛

面痛

病患者女

2014年4月有日開始左邊面近鼻翼位置好唔舒服好似有野梗住咁,睇樓下診所話有可能三叉神經,之後塊面真係漸漸痛起來(係深處既痛,梗住,同會時不時抽搐),之後做過好多次針灸(減輕到少少痛楚),睇過兩次腦神經醫生(照過mri都話發現唔到有瘤,話幫我唔到),近排睇過耳鼻喉(發現鼻中格彎曲加有骨刺以為係痛原因,做左手術發覺都係好痛,開左lyrica比我食但食完都覺得無改善),之後睇脊醫(話我頸椎好有問題所以面痛,叫我兩日做一次療程),之後睇骨科(話面痛唔關條頸事,幫唔到我,又話網上面d資訊唔可信)。

真係好無助,睇好多個醫生都話幫唔到我,解答唔到我問題,要我睇第二科醫生,一直以黎浪費左好多金錢時間,又搵唔到個病因,真係痛到好影響日常生活,網上睇過好多評語話你對病人會好上心好盡責,所以想問你幾個問題:

1.係唔係mri照唔到有問題就一定唔會係三叉神經痛?點先為知有問題?因為之前幫我做耳鼻喉手術既醫生佢又話mri未必照得哂,可能有血管壓住or有個腦瘤照唔到

2.同埋見mri照腦都有分腦部腦血管腦垂體,照邊隻先係最準確?
睇一次醫生都要錢要請假,但次次換黎都係話幫我唔到,真係好絕望,如果有得即刻做手術一了百了就好
你好!謝謝提問。三叉神經痛可以是原發性,除了Lyrica,還有其他神經痛藥物可減輕痛楚。
謝謝!
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved