香港睇醫生網首頁
[ 會員#21213 ] Denny

椎間盤突出需要做手術嗎

病患者男 - 51歲

你好醫生 麻煩醫生畀啲意見 我照完磁力共振證實咗腰椎間盤突出 咁醫生同我講個size都幾大粒要做手術,咁我想問呢咩叫咩size為之大粒呢必需要做手術。

我而家的情況就係 朝早起床嗰陣痛到起唔到床,起到身后也要痛一個鐘頭鬆番無咁痛,咁平時呢就小腿至到腳板呢就麻痺囉 咁腳趾公和第二隻腳子就冇力囉 用手指按着便升唔起囉 呢個情況嚴唔嚴重?
如果唔做手術又會唔會惡化呢?如果恶化又會点呢?麻煩醫生幫幫忙解答呀唔該。
Hi Denny,

多謝你的提問。

磁力共振有椎間盤突出的情況是常見的。椎間盤突出的大小程度並不是決定是否要做手術的唯一因素。

跟據你的描述,你是有嚴重坐骨神經痛的情況。休息,非類固醇消炎藥,神經止痛藥物及物理治療等是你治療的第一步。一般而言,約6星期後病況沒有好轉的話,手術是可行的方法。

你需要有脊椎手術經驗的骨科專科醫生為你再一次詳細閱讀你的磁力共振影像,以估計椎間盤突出的位置是否吻合你的臨床情況,從而估計手術的成功率。

脊椎微創手術是十分安全的,請不用過分擔心手術風險。


祝早日康復

彭振康醫生上
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved