香港睇醫生網首頁
[ 會員#20345 ] Simon Lee

係嘔吐恐懼症定抑或係其他問題?

病患者男 - 22歲

醫生你好,本人已經有一段長時間會有反胃作嘔既感覺,但只限於每當要外出既時候,不論係落樓下抑或去更遠既地方都會想作嘔。

每次當我食飽準備外出既時候,胃部就會有不適,連帶好多胃氣,喉嚨有野頂住既症狀,但照過胃鏡都話只係普通腸胃炎。
但我自覺唔係咁簡單,因為呢一段長時間當我胃部一有不適,我就會立即去將剛剛食完既食物嘔清先感覺好D。亦因為咁我呢幾年每當要外出既時候都會帶定一個袋以備不時之需以及薄荷糖嘗試控制自己想作嘔既感覺,但每次我都要重覆檢查上十次是否有帶上述兩樣物件先會安心外出。不過,有時候當我在外時我會怕人地既目光而選擇走去公廁嘔都唔用個袋。

仲有就係我近一兩年開始就自覺自己洗手次數非常頻密,例如我自覺該樣物件係乾淨既但我觸摸後都好似控制唔到咁要洗手先感到安心。此外,我仲會重覆檢查門鎖,煤氣爐等等是否有關好上十次,但每次檢查之前我知道已經妥當,而我都係要去檢查先安心。

所以我想問下醫生我係咩問題?嘔吐恐懼症?焦慮?抑或社交恐懼症? 恕我問題冗長
Simon 你好,

看來你的身體不適令你很焦慮,而反覆的檢查未能找出原因亦令你感到沮喪。

這種情況在焦慮症很常見。身體不適的症狀令你焦慮,而焦慮亦令身體症狀增加,造成惡性循環。

重覆check野的症狀屬於強迫症症狀。亦是跟焦慮有關。

如果身體檢查找不出不適的原因,不妨從情緒方面入手治療,以免惡性循環一直持續。

何浩賢醫生上
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved