咽喉炎

病患者男 - 22歲

今個星期二早上開始喉嚨痛，慢慢開始有d咳同鼻水，呻出黎有d綠色，但量不是太多。於是，放工後去左睇家庭醫生，佢診斷為喉嚨發炎，原本佢冇開抗生素俾我，但由於我星期日便要去旅行，所以就問佢可唔可以開定俾我，萬一到到星期日仲係冇好轉先食。一開始冇食抗生素，就咁食普通消炎藥同止痛藥，但冇好轉。於是我星期四晚就決定食抗生素。但食左兩日都完全冇好轉所以我決定去睇耳鼻喉專科，因為想快d好翻唔好影響旅行。

睇左專科，醫生話我係咽喉炎同輕微鼻竇炎。佢話開過隻新既抗生素俾我，之前嗰d藥（除左收鼻水藥同Panadol)都唔好再食。但食左一日，第二朝起身仲係痛，雖然冇早兩日咁痛，但一起身就覺得特別痛。我而家好擔心係咪2隻抗生素都唔啱。

另外我病發前4日曾經幫男朋友口交，但佢係完全冇性病。我好擔心會唔會係口腔同喉嚨感染到性病毒，例如淋病？但我男朋友冇性病，因為我倆都係未試過發生性行為，平時只係接吻同口交。所以想問下如果幫冇淋病既人口交係咪唔會感染淋病或其他性病？
謝謝！