有關尿道問題

病患者男 - 29歲

你好，早排發現去小便時總會有一點刺痛，又經常想去廁所。睇過醫生，佢幫我檢查過前列線又話冇事。但就總係每次去完都會感到拿拿地咁痛，又一日去差不多10幾次廁所。

但最近就去完廁所拿拿地痛既感覺就消失左，又無咁成日想去廁所，次數都由一日10幾次變左7次左右。咁係咪代表我的炎症已經好緊啦？但就每次小便都總會有開叉，上下分左2條咁，同埋去完之後總有1，2滴尿滴出嚟我條內褲度。咁想知究竟我係仲有發炎呀定係有其他問題？如果係發炎，究竟係尿道炎，前列腺炎定膀胱炎呀，定其實只係條尿道內結焦搞到有野阻擋，令到我小便分叉呢？而且我亦有穩定交往對象，如果跟佢有性行為會否影響到病情，另外，有一次同佢有性接觸時，不知是否有扭親下體，會唔會都係因為呢件事而令到有呢d徵狀出現嫁？

有點影響到我的日常生活，而且令我亦感到心情大受影響。勞請解除我的憂慮。