經歷詳述:
在網上看見馬國權醫生有好多好評， 讚賞 他工作熱誠， 但人往往會被利益薰陶， 我見到嘅馬醫生有點商業味道。

以下是我求診及治療的經歷……

最初打電話到診所約見馬醫生， 診所姑娘話馬醫生好忙， 有啲病人要半年後先有得見醫生， 咁我問佢係咪叫我搵第二個醫生睇， 除即佢就畀咗一個好快嘅時間我見醫生， 還叫我將所有醫療報告 whatsapp畀佢及某天10 點到診所。

當天到診所後， 姑娘幫醫生問診， 但佢一啲都沒有睇過我啲醫療報告， 因為佢問嘅嘢好多都在報告上有顯示， 而且診所姑娘還寫錯我一些病歷資料， 其他診所會由醫生直接問診， 不會假手於人。

等了兩個多小時終於可以見到醫生， 馬醫生問有咩可以幫到我， 身為病人嘅我最想了解手術是怎樣做及醫生有咩建議畀我; 檢查後， 馬醫生建議我全切乳房及做皮瓣重建手術， 建議住院兩星期及手術前約見整形外科李金合醫生。

手術在播道醫院進行， 由馬醫生及李金合兩位醫生一齊做， 做咗六個多小時， 兩位醫生手術都很精湛 ，馬醫生早晚會到病房為我檢查， 非常盡責， 我在醫院住了十天便可出院， 而且不需要帶引流樽回家。

播道醫院的護士及病房助理對病人非常關懷及細心， 有位大眼靚女姑娘更是我心中的天使， 她在我身體不能動彈的時候， 用雙手抱起我的身體往上推， 讓我瞓回舒適的位置， 因為手術後病床需要校到 45度角及雙腳要屈曲， 讓傷口癒合得好啲， 所以身體經常往下退，但雙腳又沒有力將身體撐回原位， 而大眼姑娘不發一言便將我抱回原位， 我真是非常感謝她， 更多謝病房經理在我出院那天送了一個 水晶天使 掛繩給我，令我感到非常窩心。

整個手術費共 28萬幾。

整體而言， 馬醫生手術精湛， 工作認真盡責， 值得對病友們推介， 但馬醫生診所應作出改善， 例如 病人覆診等候時間可安排好一點， 不要讓病患者等候兩個小時才可見到醫生; 還有診所姑娘應注意工作態度及 多加改善， 因為她們經常犯錯( 例如打錯轉介信， 唔覆whatsapp， 在診所大聲笑 工作唔認真， 午飯時間應安排人在 reception， 不應讓病人進來時不知所措)， 這樣會令到馬醫生評分降低。
簡評:
個人觀感- 經驗豐富、絕不拖症
經歷過程- 醫生會從病人出發去提供意見
推介意見- 值得向有需要人仕推介