經歷詳述:
第一，陳醫生真係學歷幾高，出名的牙醫佢算多學歷加後生
第二，佢真係幾好手勢
第三，佢真係幾搞笑（周星馳feel）


我幾個朋友睇過陳醫生脫智慧齒，我都跟從大隊去睇，去之前無上網睇過comment的。
由於醫生超級忙，去到你同姑娘講你的症狀。我係智慧齒腫痛，因為智慧齒下面有一條神經線，咁必須要拍攝x光，姑娘就帶我影左先，然後係treatment room等醫生。

由於肺炎，醫生包到hum....見唔到廬山真面目。佢望望我幾歲，望望我張x光，就問我係咪智慧齒痛哈。我的確已經痛左好幾日，吃藥都消唔到。
原來我隻智慧齒係180度打橫生，難剝就一定，但好彩遠離神經線。陳醫生話，雖然難，但安全。咁我決定快快脆脆脫左佢當下就打麻醉藥。
落手果然好輕，打左4下，頭兩下完全無咩感覺，後尾兩下有D痛。10分鐘後成個下巴就麻痹左了。佢仲邀請我男朋友來幫我試麻醉效果hahaha 叫佢出盡全力捏我嘴唇hahhaah 我男朋友好興奮，但比我阻止了！

途中會聽到機器聲，但真係無痛。陳醫生每個步驟會主動話我聽做d咩，更多係安慰我，聽得最多係“做得好好wor”。我feel到佢將我隻大牙車細變成好多份，然後全部碎片拿曬出來。之後幫我聯針。成個過程大概30分鐘就完成了。做完手術比埋消炎藥止痛藥抗生素，術後護理單張同埋佢私人電話，叫我夜晚有野就直接wtsapp佢。

我夜晚都有流血，wtsapp陳醫生佢教我“電影止血大法”........原來我慌死流血，不停換紗布，其實刺激傷口不停流血。佢叫我咩都唔好做，吃飯漱口之後，咬紗布坐係到睇電影，吞口水，睇到夜晚12點之前先換紗布。真係止左wor！ 講真，好幸運遇到陳醫生佢可以直接回覆你。假若病人緊張不斷換紗布，又驚，end up一定變成去醫院急症室。

結果小小腫痛3-4日傷口就慢慢癒合了！希望我分享幫到大家






簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇