註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
陳厚毅醫生真係一個好親切有愛心嘅醫生。我讀書時已開始腋下多汗，成日好尷尬，最慘仲要有啲未成日比啲同學笑好唔開心，出來做事又比同事講說話，真係好難受。想做手術又驚有手術風險，無意中見到陳醫生喺報紙嘅訪問知道依家有無創傷性嘅微波止汗Miradry手術，最初都係十五十六，不過上到去佢診所之後，真係覺得佢好專業又好關心我聆聽我嘅擔心。

治療的過程比我想像中簡單，打麻醉針嘅時候有啲痛，不過做嘅時候完全冇感覺，大概做左接近兩小時。全程陳醫生都不停同我傾計等我冇咁驚。做完之後第二日真係即刻可以返工病假都唔使攞。😀

做咗一次之後過咗兩個月已經好咗好多，我諗都應該唔使做第二次，人都開心好多。而陳醫生好Nice佢叫我睇定啲先因為通常佢嘅病人係唔需要做第二次嘅😄 希望同我一樣有多汗臭狐嘅朋友快啲好返啦！
簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 值得向有需要人仕推介

經歷詳述:
因為牛皮癬令到成身出晒疹，搭地鐵都被人望住晒，返工又俾人笑，個人真係好Down。 試過睇中醫西醫都冇幫助什麼藥膏都試過，最後經朋友介紹去睇陳厚毅醫生，他是我最後的希望。陳醫生解釋得好詳細，雖然病人都多但係感受到佢嘅愛心和關懷。佢同我分析唔同治療嘅優點同缺點，又肯用好多心機聆聽我，我都好感動，最後我決定左用生物制劑。護士打針好專業完全唔覺得痛，過咗兩個月之後身上大部份嘅牛皮癬差唔多不見了我開始有信心去見人希望夏天甚至可以去游水 ，真的好多謝陳醫生的悉心照顧。生物制劑真係好貴，打之前都想了很久，不過見到成效都覺得值得
簡評:
個人觀感- 仁心仁術、醫德高尚
經歷過程- 醫生會主動探索其病因及治療
推介意見- 值得向有需要人仕推介

經歷詳述:
有玫瑰痤瘡已經差不多有十年，睇過好多出名嘅皮膚科醫生和中醫情況都控制得不太好。係有線電視至Fit男女見到陳厚毅醫生講述玫痤瘡的處理和治療覺得佢好專業同埋好認真，於是專一程去睇佢。陳醫生果然好細心，用好多心機講解我的病情和分析各種醫治方法。因為之前都試過搽藥膏和食藥，效果都一般。同陳醫生商量之後我決定做激光治療。在激光手術中，陳醫生一路都很體貼，並加以鼓勵和關懷，所以整個過程都非常之安心。手術完了，還可以即時上班同埋見朋友。做咗兩次之後情況已經好好多，雖然還會有點紅，但是平時面部已經沒有太火熱嘅感覺，現在去打邊爐都可以了
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
條頸生咗D一粒粒嘅嘢，越來越多聽朋友講先知道生咗扁平疣，於是去睇陳厚毅醫生。陳醫生好細心解釋得好清楚我嘅病情和不同的治療方案。佢態度又好平易近人，做手術手勢又好，首先揸咗麻醉膏然後做激光，完全唔覺得痛，做咗一次已經好返晒，真係一個有醫德的仁醫
簡評:
個人觀感- 仁心仁術、醫德高尚
經歷過程- 醫護人員親切有禮的提供協助
推介意見- 值得向有需要人仕推介

經歷詳述:

患了玫瑰痤瘡超過十年，病情經常反覆睇過好多名醫中醫都無幫助，心情非常心灰意冷，無意中睇到有線電視講玫瑰痤瘡，聽到陳醫生嘅詳細講解於是決定一試。護士的態度好好，我同佢講情況嚴重想早啲睇，特別安排即日下午見陳醫生。去到陳醫生診所已經見到唔少人，場上放滿左唔同病人的感謝卡，我想陳醫生應該係一個好醫生。等左半個鐘，終於到我，陳醫生真係好有心機，詳細問我嘅病歷有唔嫌我長氣講返十幾年嘅情況同埋各種以前的用過的藥物，雖然帶住口罩戴但都感覺到陳醫生對病人嘅關心，最難得佢咁出名都唔睇低我依過住公屋既人。陳醫生睇左我好耐又詳細同我講解不同嘅治療方案，佢叫我返去諗下先，但係我同佢講我住得好遠好想今日做彩光治療去醫好我嘅玫瑰痤瘡。陳醫生好好人特別為我安排時間睇晒所有病人七點幾先做彩光治療。佢好詳細做之前有解釋得好清楚，做嘅時候又好仔細問我有冇唔舒服。做完第二日護士好有禮貌仲問我情況。做咗一次治療，已覺得有一點改善，係正常環境嘅時候已經少紅咗好多，出街見人自信心都好D。真係好衷心感謝陳醫生對我們悉心醫治。佢對病人嘅仁心仁術和關懷係我之前見過咁多醫生感受唔到。
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

註冊專科分類

睇醫生網 Seedoctor