註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
知道亞仔生疣又唔敢睇醫生因為聽朋友講做完治療之後，又行唔到又返唔到學好擔心，最後聽啲媽媽Group 講話陳厚毅醫生好細心做完治療仲要唔痛，可以返到學咁犀利於是決心一試。

估唔到同傳聞一樣非常細心有耐性，對小朋友超級Nice，仔細檢查清楚才發覺不只一粒疣而係有成六七粒。佢好細心同我分析唔同的治療方案，最初諗住用激光快啲好，不過最後都係決定用冷凍治療因為完全冇傷口，又唔使擔心發炎，仲要冇咁痛。陳醫生手勢超級好做完完全唔覺得痛之後，仲識得送糖果俾我啲小朋友搞到佢哋超級開心，做咗三次之後終於完全根治真係要佩服佢係Professor Nice😊👍🏻
簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 值得向有需要人仕推介

經歷詳述:
經常大汗非常麻煩，最慘是同啲friend一齊好尷尬，有時甚至有味道。好好彩睇到無線新聞訪問陳厚毅醫生有關止汗的方法，先知道其實呢個問題非常普遍和有得醫。陳醫生好細心又好搞笑，聆聽我嘅擔心和解釋我不同嘅治療方案，最後我決定去做微波止汗 Miradry。

最初聽這個治療有啲驚，要做一兩小時，驚會出事。原來這個治療真的很簡單，除咗打麻醉針是有啲痛，做成個過程完全冇感覺，陳醫生好細心又開音樂俾我聽有同我傾計分散我注意力。做完差唔多一個月，流汗情況已經改善咗好多，唔覺得有臭味，我諗應該同醫生估計一樣未必需要做第二次，真的好多謝陳醫生。
簡評:
個人觀感- 仁心仁術、醫德高尚
經歷過程- 醫生會主動探索其病因及治療
推介意見- 值得向有需要人仕推介

經歷詳述:
小朋友生濕疹大人小朋友都好受影響，個仔成日抓到訓唔到覺仲要成身發晒炎，郁下手都痛，之前睇過中醫同埋西醫都冇乜進步。睇Baby Kingdom 知道陳厚毅醫生好細心，尤其出名睇小朋友於是去book 睇陳醫生。陳醫生的確對小朋友好細心關懷，平時我小朋友一見到醫生就驚，但係見到佢完全好開心，而且陳醫生很funny，搞到我個仔用潤膚膏同埋戒口都聽話啲。睇咗幾次濕疹開始好轉，皮膚滑左好多可以瞓得返覺，最重要係佢比好少藥膏我鼓勵我查多啲潤膚膏同平時其他皮膚科醫生唔同，真是感恩。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 值得向有需要人仕推介

經歷詳述:
一直受到暗瘡困擾，睇左好多皮膚科醫生和中醫都睇唔好，聽啲hallmate 講陳厚毅醫生好Nice一定要睇佢。一Google先知道佢咁出名咁多訪問，最初諗住佢同其他出名皮膚科醫生一樣，出名但係冇料到，睇咗佢先知道佢係真材實料，好堅👍🏻
佢好有耐心咁聽我講暗瘡問題，雖然出面好多病人，佢會問我好多不同問題去深入了解個病情同埋檢查得好詳細同埋，解釋得好清楚，我諗都差唔多睇咗我十五至二十分鐘。最特別之處係佢好風趣幽默完全沒有架子，俾我暗瘡重新有希望。睇左佢兩次食完藥幾個星期之後已經好番好多。好多謝陳醫生對我的悉心照顧等我知道什麼叫做有醫德嘅醫生。😊
診金方面比我預期中平，我平時喺旺角睇醫生都要過二千蚊，但睇陳醫生都係千零蚊。
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
之前睇過好多醫生都話係暗瘡，試過用好多抗生素和類固醇藥膏都沒有進歩，反而情況越嚟越壞。屋企人突然提起我之前陳厚毅醫生無線新聞有個專題報道和我病徵相似，叫我去睇睇。陳醫生真人比上鏡更親切，足足同我講咗15至20分鐘我嘅病情，終於確診為初期嘅玫瑰痤瘡。陳醫生叫我唔使擔心話這種病好常見，最緊要防曬，暫時可以用藥物控制得好，如果情況冇改善就可能要做激光。食藥和揸藥足足兩個月，情況已經比之前好好多，好少個人會覺得好熱好紅，今次的進步真是全靠陳醫生複診每一次為我打氣和治療，而且姑娘們個個都咁好
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

註冊專科分類

睇醫生網 Seedoctor