註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
本人有慢性盆腔炎，我前後約見了孫醫生幾次，每次都最少等3-4小時，一問完咩事就照ultrasound,照完佢即見另一個客（另一間房），我在房獨自坐又要等半小時，佢回來再睇片詳述病情，15-20分鐘左右，有問必答，但又直又串，但朋友介紹佢做手術好，每次上去都很多病人，應該是出名可靠的，最後都決定找佢做手術。
可是在簽署手術當天，本身約了11:30am, 我11:00am已到診所，我預了要等的，但一等等到下午4點，護士叫我飲大量水照ultrasound, 我話我來簽文件的，護士話醫生吩咐要我照ultrasound....ok我照做，等到4:45pm我追問護士，佢只說應該下個到我...我忍不住要去廁所，回來再飲水再等。5:30pm入房孫醫生親自幫我照，照完叫我出房等....中間有一位孕婦入去見了孫醫生....我等了40分鐘，我發現大堂2位護士神情緊張，我追問得知剛才的孕婦檢查時大量出血，已call 救護車....我只能再等...
護士通知到我時，一入房，房內有2護士正手忙腳亂地清潔，孫醫生的樣子慌亂！我心一沉...孫醫生拍一下坐位，示意我坐下，但佢開始煩躁，自言自語，
我問：我有什麼能幫你嗎？
孫醫生大喝：我唔想做！
我很驚，真的，我要交身體給這個人做手術嗎？
我輕聲問：你唔想做是指我的手術嗎？
佢很嬲，再喝我：我幾時有話唔想做你的手術！我無話唔做，我只是話唔想做份工！其實你係咪有精神病，點解你一定要做這手術！！！

我呆了，真的，我呆了最小1分鐘

我最後說的一句說話：我決定不做手術了
轉身準備開門離開，孫醫生同護士講：即刻給埋張單佢埋

我冷笑..就算你病人很多，能找到錢很多，幸好我決定不找你做是明智的，因你EQ實在太差了....
診所各方面安排都不是從病人角度諗，等候最小2-3小時，我最後一次更等了7小時，孫醫生態度輕浮，每次都說病人問題多，病情複雜，時間延遲了。其實是診所運作出問題吧！為求接多d生意，同一時間接見幾個病人，但醫生本身又配合不到.....收費又貴

我強烈建議想找孫醫生的想清楚才決定

簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧

經歷詳述:
搵佢做結構檢查，訓低都再等半個鐘。開始檢查亦不顧人感受，踩低你咁。檢查比公立醫院敷衍而且不細心，先生只係問一條普通問題，佢就專登兜圈用比喻串返10句，非常賤，激到我都喊出黎，唔敢再問佢問題，非常差既體驗！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
孫醫生原本是一個很細心及很專業的醫生, 剛星期六發生的事真的令我感到婉惜以及擔心孫醫生的自身健康, 希望孫醫生自己可以有充足的休息時間, 他的壓力太大了....... 為了不加重孫醫生工作量, 今胎唯有另找其他醫生幫忙
簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 可能人夾人緣自己衡量

經歷詳述:
本來睇開另一婦產科醫生，但該醫生突然急病就唯有轉醫生。朋友介紹話佢好出名。但預左要等勁耐。第一次睇真係等到你喊。講真佢一日接太多症啦。點有可能唔等。我等咗2個半鍾。 入到去得到一個極敷衍嘅產檢。不斷喺度口嗡嗡「頭仔，腳仔，肚仔」。照得勁快。無講任何Size，心跳，正唔正常。當我想問問題，醫生極唔耐煩，過咗幾個字先答你一句，等於無答嘅野。 自問我同老公都好有禮貌。但咁高傲嘅醫生，真心第一次見。無下次。 之後即刻轉咗第2位醫生。
簡評:
個人觀感- 有欠詳盡、耽誤病情
經歷過程- 求診病人實在太多，等候需時
推介意見- 可能人夾人緣自己衡量

經歷詳述:
2016有左第一胎 經朋友介紹話呢個醫生好出名介紹我去產檢。去到就算有預約都要有排等 仲要企住黎等。我覺得護士們可以幫忙叫其他爸爸讓位比d媽媽
有一次更加因爲等太耐所以轉去睇同一間診所嘅高醫生

2018 第二胎
又比多次機會 客氣左d嘅
但相比起高醫生佢一d都唔細心
正題：
等就2個鐘 見醫生就10分鐘都無
好似好趕咁 未問到問題就急急腳咁請你出去
講野勁直接令人有點難為情
仲會串人
無咩耐性 好似hea照咁
簡評:
個人觀感- 普普通通、中規中距
經歷過程- 醫護之語調態度令人無所適從
推介意見- 可能人夾人緣自己衡量

註冊專科分類

睇醫生網 Seedoctor