註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我腰痛我腰痛多年，睇過無數脊醫和照過無數X-Ray，最近經同事介紹去咗睇戴醫生，他只要求我提供過往X-Ray，就可以初步評估引起腰痛位置，我告知他重新照過，數天後睇報告；

戴醫生比我過往睇的脊醫有所不同，他會根據我張X-Ray片，同一張正常X-Ray片對比，好詳細解釋我的病因從何來，他連我第幾節骨有問題、點醫治、醫幾多次和點收費都解釋得好清楚，絕無拖症。我已完成第六次治療，已有很大改善，現仍治療階段中。

最重要有一點戴醫生好老實同我講，如果每次診治後回家唔做肌肉放鬆運動，我都一定要翻來再睇他。


簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 值得向有需要人仕推介

經歷詳述:
打電話去詢問價錢。姑娘答我是六百元，跟住我問是不是包括埋治療費用，她說只是診金。我再查詢治療費用幾多錢，她回答因為醫生沒有看過我，所以不能答你多少錢。跟住我再問可不可以給我一個大約的治療費用，因為我只會帶現金，她堅持說醫生沒有看過你，我不能答你大約多少錢。跟住第二天我去看這個無良醫生，他講了一大輪廢話，然後就要我去照四千蚊的X光和一萬元磁力共振。 因為我覺得很貴，所以我就決定唔做，當我想走的時候，個肥姑娘說如果唔夠錢，可以用易辦事畀錢

簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 可能人夾人緣自己衡量

經歷詳述:
腰痛了好幾個星期，仲越黎越痛，去了去開的普通科醫生，照了 x-ray 又話乜事都冇，只比了幾粒止痛丸幫助不大⋯⋯ 再同醫生講唔想再用止痛藥，佢就轉介了我去睇戴醫生⋯⋯⋯ 戴醫生睇了Xray , 話有些骨頭位置唔太正，提議做一些治療去復位，其實都唔太明佢講乜，本身亦未睇過脊骨科醫生，但太痛就照跟他的提議做治療吧⋯⋯ 做了 3 次治療，減痛了八成左右，未至於完全好返囇，但起碼夜晚瞓到先！

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
我媽媽一向睇開第二個脊醫，點知睇開個脊醫回去美國探親。最近媽媽腰痛復發，機縁巧合去見了戴醫生。戴醫生這裡的治療同媽媽之前睇開的脊醫很不同，之前的脊醫都只是復位及電療，每次治療大概10分鐘左右。戴醫生診所內卻有很多儀器，針對不同的痛症。對於我媽媽這個比較敏感及挑剔的長者，戴醫生及姑娘真是耐心周到，做治療時不間斷詢問是否有什麼問題或感覺，這麼尊重及重視病人感受真的令我非常感動。
簡評:
個人觀感- 詳盡親切、耐心施診
經歷過程- 醫護人員親切有禮的提供協助
推介意見- 值得向有需要人仕推介

經歷詳述:
頸痛了2星期左右，條頸完全郁唔到，僵硬咗，過馬路想望左望右都望唔到。去左政府醫院睇急症，等左4個鐘終於有得見醫生，照左x光話乜事都冇，比左止痛藥就叫我走，d止痛藥真係好廢，食左等於冇食咁。
我之後又試左推拿、針灸、物理治療，通通效果也是一般。個天可能可憐我，我陪阿媽去做身體檢查時，個化驗所隔離就係戴醫生。戴醫生好詳細問症，解釋清楚，最重要我做左一次治療已見到效果，令我對戴醫生有信心。宜家做4左次治療，我條頸冇咁痛，可以擰左擰右，好左6、7成。醫生亦教我在家做伸展運動，加速治療效果。
坦白講，戴醫生不是神醫，但起碼治療實實在在，總好過之前試呢樣個樣，得個桔。

簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇

註冊專科分類

睇醫生網 Seedoctor