註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
本人母親是糖尿病患者，一六年患上尿道炎，因家住元朗區故此到葉汝大醫務所求診。
首先醫務所常常無通知下全日醫生不在或不開，頗為難約，終於約到醫生，醫生說如果擔心是糖尿病藥物影響，試試全停藥，但每天須要篤手指驗血糖五次，為期四天，老人家六十幾歲一共四天做二十幾次，結果卻徒勞無功，然後醫生又叫我們做了幾次尿液和尿道顯影測試，共中有次叫我們第二天去取轉介信，又另收四百元，一面也見不到醫生，我們明白錢是要賺，解決到老人家的問題是應該給你賺的。
所有測試都做完，覆了七次診，照了X光和尿液 、 尿道顯影測試，最後都找不到原因。後來反覆看X光片，又說老人家腰骨有扭歪，可能影響到行動，又說要轉介照X光，嚇得老人家吃不下睡不著。我感覺就是醫生找不到解決辦法，就不停發掘一堆懷疑性問題，醫生的醫德和智識實在令人懷疑。

後來家母直接轉到法國醫院求診，一個月根治了問題。
本人對葉汝大醫生的處理方式實在抱很大懷疑，亦不建議其他朋友到該診所求診。
簡評:
個人觀感- 診效不顯、收費不稱
經歷過程- 醫護之語調態度令人無所適從
推介意見- 可能人夾人緣自己衡量

經歷詳述:
庸醫一個 醫術短淺 欠決耐性

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:
就神醫一個，聽你講就知你咩事，然後叫你食藥。咁當然到最後食完都冇用，又想你覆診食你第二水。算了攞明揾笨柒，果斷揾第二個睇

簡評:
個人觀感- 有欠詳盡、耽誤病情
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:
我係2021年11月4號左臀部長了一粒瘡，因為疼痛去看蔡醫生，佢幫我開咗藥，要我先食藥，診金唔記得幾多錢，但係食咗藥之後又係疼痛難忍，去到診所，佢話瘡已經長熟咗，要做切割放膿手術，咁樣就係診所幫我切左一個小口，放咗D膿，診金收費三千幾蚊，做完之後我話好似未放乾淨，周圍摸到仲有膿，佢話要我返屋企敷熱水，冇辦法，只有聽佢講，因為我都唔敢話佢未放乾淨啲膿，係呢個時候我都仲係信佢，因為冇試過生瘡，冇經驗，因為唔想私隱部位再俾其他醫生睇，所以繼續睇佢，然後就係第一粒瘡旁邊又生咗第二粒，應該係之前D膿擠到周圍，又未放乾淨，而且經常坐，所以又有一粒，接著就是撕心裂肺的疼痛，又去找佢，佢話又要切割放膿，我話可唔可以收便宜D，上次已經做咗一次，到而家為止，我都係唔敢講係唔係因為你第一次未放乾淨嘅原因，而醫生話可以，但呢次做嘅過程，完全俾我嘅感覺就係生割，痛到想死，我一直哭，做完都哭，因為呢次真係好痛好痛好痛，而且做完同第一次唔同，第一次做完，放咗D膿會舒服啲，今次做完，返到屋企，都係無比疼痛，而且做完之後摸到仲係有咁粒瘡係果度，完全冇擠到膿，可以話只係擠出來十分之一，所以膿係入邊，我一直痛，今次收費$2950，比上次便宜咗五百，我一樣係冇聲出，照樣俾錢，而且從2021年11月4號到最後一次睇佢2022年1月10號，中間睇佢好多次，因為疼痛，要找佢拿藥食，佢就開藥俾我，然後就收錢，直到10號去拿藥，我係講咗我唔睇醫生，直接開藥俾我就得了，因為次次睇佢都冇睇我傷口，只係問我，所以我諗反正都唔睇傷口就直接拿藥啦，咁樣可以便宜D，所以佢哋都同意我直接拿藥，當時我話拿四日藥，果個短頭髮戴眼鏡嘅護士跟住落嚟嘅所做所為，語音攻擊，讓我覺得醫護人員應該係救死扶傷嘅，點解會俾人覺得咁恐怖，好似吸血鬼，仲要打殘D病人先安樂，我係指呢個護士，暫時唔係指呢個醫生，因為佢話四日藥，我冇睇醫生，只係拿藥，佢話要收$840，當時我都係好正常問咗一句，四日好似差唔多五百，點解咁貴，有冇啲收費標準呀，我係好正常問嘅，點知呢句野好似捅咗馬蜂窩，佢即刻話幾時收你五百呀？其實因為拿藥次數多，有時一千多，有時幾百，我真係真係真係唔記得幾多錢，所以先問，但係我冇話唔俾，點知佢話我誣陷佢，非常憤怒而且仲講你要就要唔要就算啦，天啦！呢啲係咩野護士？簡直好似潑婦一樣，我聽到呢句，我都好嬲，因為我冇辦法先係呢度拿藥止痛，唔想再俾人睇，因為醫生話係瘡，我以為慢慢會好，所以我都開始同佢吵，我話我當然要藥啦，我只不過係唔記得幾多錢，問一句都唔得咩？佢話你會唔記得？你係誣陷我，然後我又反駁佢，佢居然開咗藥房門出嚟，用手指住我話：你再講多一次，你再講多一次，當時我話，我又講粗口，你要我講咩？我都唔係誣陷佢之前收我五百，今次收八百四，我係唔記得，因為每次收費都唔同，以上我所講嘅嘢句句真實，診所有監控，監控為證，我都有同佢吵，但係因為佢大聲吵我在先，我覺得我係病人來睇病，你仲要咁樣欺負人，所以最後我都唔想同佢吵，我話我唔想再同你講，你俾返啲藥我，我俾返錢俾你，點知佢話我而家唔想俾藥你呀，係呢個時候，我其實好想講粗口，但係我冇，我話你憑乜嘢唔俾我，我俾錢你呀，佢話就係唔俾你呀，等醫生出來呀，剛好呢個時間最后一個病人睇完走了，只剩醫生，我就叫咗一聲蔡醫生，點知蔡醫生頭都不扭一下，完全唔理，呢個時候我先知道，原來都係為咗錢，你D呢度有咁樣嘅護士，你都可以唔理，我徹底失望啦，但係因為我痛，所以我企左係藥房口一直要呢個好似土匪嘅護士俾藥我，佢初頭都一直話唔俾我，我話你唔俾我唔走，最後搞咗好耐終於俾咗我，我都俾咗錢，直到最後一刻佢都冇講收費標準。而我食完佢嘅藥之後，都唔見好轉，今次遇到咁樣嘅護士醫生只好睇另外一個了，今次我睇完醫生，拿咗一星期藥，只係收咗一千蚊，我當時都唔敢相信，真係收咗一千蚊，而且有一隻藥膏係一樣嘅，果個護士收我八十蚊，因為當時我見到只有一蚊硬幣大小的藥膏幾多錢，佢話係八十，但係呢度藥膏加上一星期藥都只係一千蚊，絕無虛言，可以查證，而且讓人氣憤的是原來我呢粒瘡拖了幾個月，到現在可能已經形成肛瘻，做手術要幾萬，但之前蔡醫生睇我，從來冇講過呢啲情況會形成瘻管，只係不停要我切割放膿，開藥食，前前後後差唔多睇咗一萬蚊，到最後還要被呢啲護士刁難，可想而知，呢間係咩診所，呢種診所可以請呢啲護士，咁诊所都唔敢恭維了，到而家為止，我先知道我呢粒係乜嘢瘡，如果早知道，早注意，再加上上網查資料，我唔會搞到而家要入醫院做手術，所以我寫出來係希望大家可以參考，我D病咗已經心力交瘁了，想找個好醫生睇下，而且冇昧良心亂收費嘅，究竟有冇咁難，所以大家去找間好嘅診所睇啦，冇搞到好似我咁，病又冇醫好，仲要受護士氣，其實最可氣嘅就係護士，態度真係好差好差好差。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
九月份我爸爸因為腰痛去睇葉醫生，醫生就叫去照CT,醫生睇完報告後，說有很多腎石和有腎炎，之後我和爸爸去政府醫院複診，醫生話腎臟，盆骨，淋巴見有癌細胞轉移，全家非常愕然，葉醫生睇完報告完全無講過！之後我哋再去照Pat CT，我爸爸話想問多個醫生意見，又拎去俾佢睇，佢話應該係腎發炎野埋周邊都發炎

總之作為一個做咗咁多年嘅專業泌尿科醫生！連腎臟有個10cm腫瘤都唔識睇！令到我爸爸延遲咗病情，我真係好嬲！不知所謂！每個人嘅生命都好寶貴！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

註冊專科分類

睇醫生網 Seedoctor