註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
兒子下方智慧齒近神經線，轉介醫院排2年，專科又·實在太貴，經多方搜尋資料，最後鎖定了詹醫生。先以What's app 溝通順暢，有問必答，令人放心。昨天终於完成手術，過程順利15分鐘左石，兒子是個極怕痛的人，更是第一次剝牙所以十分緊張，剝完後他說除了打麻醉針個下痛，其餘無感。詹醫生也细心開定所需藥物，兒子第一天按時服用，睡了一覺後腫痛也只有少許，他很感到滿意，我也放下心頭大石。隔天詹醫生更以whatsspp關心兒子剝牙後情況，非常貼心。另疹所姑娘也很nice. 香港好牙醫難求，專業+價錢也太眾化的更是難得。本人推薦受智慧齒困擾

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
天心牙科中心，前天預約，今天夜診首次光顧洗牙及準備資詢造假牙托費用，叫名入房，我表明來意，牙醫二話不說，就話佢唔做假牙呢D，因為佢話佢返呢度夜診一星期先返一兩日，所以唔做，如有需要佢可以介紹造假牙呢科嘅同行比你，ok，呢part唔講了。開始洗牙，由於本人從小都大都有檢查牙齒同洗牙嘅習慣，但大多數都會在政府診所做，包括牙齒矯正，脱牙，洗牙等等，所以都了解洗牙過程，應該光顧私家牙醫會處理得比較徹底及周到，可惜，今晚給我遇上最無職業道德嘅牙醫，比政府的還要差十幾倍，呢位牙醫名叫詹連威 Dr. William Zhan，打開口檢查，未開始洗已經話你牙齒呢D積未必洗得甩，開始洗到洗完才5分鐘左右，求其走勻每隻牙就算，感覺得到完全唔認真亦唔徹底，咁就叫我起身。我問，吓，咁就洗完？佢話係，咁我問，牙都唔洗擦一下？詹醫生就話，擦牙？你想用D粉同你打磨牙齒表面果D，會打花哂你D牙個喎，就算我自己洗牙都唔會做，但由於我堅持，佢無奈叫我瞓返底，然後叫姑娘攞所需架撐，開始同我擦牙，一擦落黎，我已經感覺佢好大力，而且感覺得到是故意的，不到兩下就同我好大力咁擦落上排牙齒嘅外側，不但痛，而且係磨擦住我上唇，所以非常痛，咀唇都損咗。我即時叫停佢，我話你唔係擦緊牙，你係擦緊我口唇，我好痛。詹醫生大聲話我擦緊你D牙，唔係唇，用呢D粉黎擦就一定痛架啦，遇上態度咁差嘅牙醫，我話，你唔想洗唔好洗啦，我跟住起身漱口，跟住詹醫生仲要加多句，嗱，係你話唔洗咋，真係火都黎，我話，我知洗牙係咩一回事，我唔係第一日洗牙，我開始洗牙你都仲未出世，詹醫生繼續有性格話，走啦，最憎D人成日話咩咩食鹽多過你食米，行啦。跟住我行緊出去，我都忍唔住補返句，成個爛仔咁仲話做醫生，詹醫生再嗌出嚟，記得比錢呀。我究竟今日睇咗D咩，比600蚊仲要買D咁嘅服務。咩野牙科中心黎架？有個矮小嘅女助護可以做證，不過佢如果幫返你地自己人我都無話可說，完。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

註冊專科分類

睇醫生網 Seedoctor