註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
之前有隻大牙好痛，睇左屋企附近醫生，
個一個醫生講到個位好緊急一定要立即脫立即植埋，埋單要成三萬幾一隻，
但係我自己又覺得立即植好似太快唔係太好而且想想下先，就比佢趕左出去，
之後朋友介紹來睇關醫生，檢查完之後關醫生建議我先脫，等三個月牙骨生返好先至再整，
中間解釋得好清楚又唔會趕頭趕命，姑娘都好好禮貌，而且仲叫我中間等個三個月好好考慮清楚，始終都係一個大決定，
完全唔會逼你做，的確有醫德
到之後等完時間再整埋，原來成個過程真係唔痛，可能因為醫生熟手做得快，
本來以為植牙手術好痛，點知又無腫又無痛，係頭一兩日怪怪地，而家做好哂d牙咬野仲好過以前

簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 已視為本人的必然選擇

經歷詳述:
無左幾粒牙都一段時間，食野好唔方便，
一直都想整返好，睇過幾個醫生，感覺比較hard sell又貴，
朋友介紹我去睇下關醫生，話做得又好又唔痛又便宜，原本已經有哂預算，
去到做左詳細檢查再埋左電腦掃描，關醫生話植牙對我黎講未必係最好，
因為我牙骨縮得比較多，就算做到都無其他人用到咁耐可能得十年八年，所以無咁化算，
反而叫我選擇其他較簡單而且便宜好多既方法，仲叫我慢慢考慮，
多謝關醫生由我既角度去出發，分析哂好處壞處， 而唔係一味迫我去做最貴既方法，
好慶幸遇到一個咁有醫德既醫生！

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇

經歷詳述:
細個睇牙經歷唔係太好，所以一直都唔敢睇牙一直拖，最後智慧牙蛀到連前面個隻都蛀爛埋，痛得我好交關，睇左屋企樓下個牙醫，佢照完X光片話智慧牙牙腳太近神經線，唔肯同我剝要轉介專科，我心諗成萬蚊剝隻牙好難搞喎，咁岩有個同事早排剝完，佢話關醫生難度高d都做到，所以就預約試下，上到去關醫生真人原來都幾風趣，而且好有耐性，唔會趕頭趕命咁，佢睇完張X光片建議我照個立體掃描睇下，如果唔係勾住都可以同我做，最後係真係好近貼住，咁醫生就解釋哂所有風險比我聽，比我揀去專科或者係度做，因為關醫生個感覺好專業，所以都有信心就做埋。
其實成個過程好快，不過我好緊張，但醫生都好溫柔，而且會講明一陣會有d力，有d機器聲有d水咁，有心理準備舒服好多，好似十分鐘都無就連前面個隻爛哂的大牙都剝埋，又快手又無痛，完全係技術！剝完個晚已經食野正常無乜痛
到最近返去做個植牙，以為會好痛好腫，點知原來又係無事，白擔心！過程其實同剝牙差唔多，關醫生都會做每個步驟之前比定心理準備，由開始到縫埋針都係好快幾個字，完全無痛，上午做完下午已經正常食野！
簡單講關醫生有醫德有耐性而且好好技術，好彩當初無去睇專科！分分鐘剝隻牙價錢等如我而家做埋植牙

簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
因為疫情關系已經成年無洗牙同睇牙，原本睇開既牙醫要約到下個月，問左同事幾個都推介關醫生所以就試試，預約好容易，姑娘好禮貌而且會打電話提你。
咁本身自己都有年年洗牙同檢查，對自己牙齒都有信心，點知關醫生檢查完話我知其實牙刷得唔係好好，慢慢教我點刷好牙，而且原來有個牙那蛀左個大窿，我一直都以為係敏感牙齒，之前個牙醫都係咁講，但醫生用鏡照比我睇先見到原來蛀得好大，照完X光片都見到好近神經線，醫生好有耐性，詳盡咁解釋可以點樣整，最後好彩關醫生手勢好，補完之後真係咩事都無，再無牙齒敏感。
托賴今次咁岩搵左關醫生，如果唔係隻牙最後可能都會蛀到要剝，亦估唔到原來每年有檢查都有機會有蛀牙發現唔到

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
其實已經接近十年無睇過牙。。。因為對上兩個牙醫每次睇都會搞到好痛流哂血止唔到，所以好驚睇牙。。。但因為最近實在太痛，就算疫情都無辦法，上網搵左好耐終於鼓起勇氣去睇關醫生，關醫生好有耐性又專業，見到我好驚就慢慢哄，最後話原來我問題係因為太耐無護理牙齒所以有牙周病，一定要洗牙而且過程會比較不適。。。我聽到又諗起以前成口血又好痛已經好驚，不過醫生好親切，慢慢解釋慢慢做而中間見到我唔舒服又會比我抖，最後返去見多一次覆診就無事，有醫德既醫生好難得，好好彩我遇到，以後都唔洗再驚睇牙
簡評:
個人觀感- 仁心仁術、醫德高尚
經歷過程- 醫護人員親切有禮的提供協助
推介意見- 已視為本人的必然選擇

註冊專科分類

睇醫生網 Seedoctor