註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
輕輕一跌一拉傷, 估唔到會咁傷, 响醫生網搵到葉醫生, 一大早聯絡佢約時間, 估唔到即日就有得睇, 去到朗豪坊, 一上樓, 嘩裝修咁靚唔知係咪好貴, 心慌慌見醫生, 第一眼見佢俾佢笑容吸引, 態度友善仁愛, 年青有為, 聲線溫文儒雅, 當堂呆一呆, 天使一般嘅感覺, 細心問診, 安排照CT, 解釋幾個唔同嘅情況, 安排康復時間嘅覆診, 在場姑娘亦細心溫柔, 各方面安排好到位, 未諗過去睇醫生係可以咁優質嘅服務, 收費合理,一分錢一分貨, 葉醫生係我睇過最仁德兼備嘅一位醫術精堪嘅好好醫生, Touch wood有朋友需要介紹骨醫, 我會極力推薦呢位仁醫!
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇

經歷詳述:
我有腰痛、腳痛、坐骨神經痛有一個月，成日痛到瞓唔到，終於入咗醫院。可惜醫院位骨科醫生只安排物理治療、磁力共振檢查，報告出咗都只是開止痛藥止痛；我住醫院差不多一星期，情況也沒有改善。
出院後我仍然痛到瞓唔到，於是再上網找找有沒有醫生可以幫我，結果比我找到葉紹亮醫生。他看了磁力共振，告訴我是椎間盤突出，並安排我做手術，手術是微創的，葉醫生做得好好，當我麻醉藥過了醒來時已經有九成好！而且，我只是住了少於24小時醫院！如果一早找到葉醫生就好了！

簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
幸得遇上葉醫生，多年的腰患終於得到適當治療，真的感謝他。

我腰患多年，上年找到某一位醫生做手術，可惜問題並沒有改善。至上個月，我在網上見到葉醫生，抱著即管試試的心態，約見了他。葉醫生詳細說明我的情況，他態度誠懇，令我放心再做一次手術。葉醫生幫我做咗微創脊椎手術，手勢好好，我第二日就可以落床行。

要特別一提，對比起之前一位醫生，葉醫生實在很細心。他到醫院巡房不會望一望就走，反而會自己動手幫我洗傷口，帶我落床行，這令我感受很深。

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 不可多得，值得等待

經歷詳述:
原來唔係個個骨科醫生會做脊椎手術！
我今年年頭開始手痺、頸痛，去睇咗個骨科醫生，醫生安排我做手神經線測試，結果手神經線完全冇事。
之後個醫生再安排我去做頸部磁力共震，才發覺頸部神經線壓得好嚴重。但係醫生話手術風險太高，又會癱，所以建議我做物理治療。
做咗2個月物理治療，結果完全無效。於是我就去做推拿、針灸， 仍然沒有幫助。
到咗年中，我嘅情況開始轉差，連雙腳行路都開始冇力，行每步都浮吓浮吓咁。
好彩，真係好彩阿仔响網上搵到葉醫生，睇到佢會做脊椎手術。葉醫生睇返我舊嗰個磁力共震，話應該一早要做手術。葉醫生好詳細解釋我嘅情況，又比到信心我，而且安排我3日後做手術。做完手術第2日已經出院，真係估唔到！
非常感謝葉醫生！佢嘅專業同友善態度，實在值得一讚！
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
好醫生應該俾多啲有需要既病人找到。大家都係去睇病姐。我的太太因為頸痛去睇左好多個醫生已經有三四年，睇來睇去都睇唔好，有啲骨科醫生仲話無得醫，叫我哋去睇痛症科。我同太太都好氣餒。
好彩經朋友介紹我哋去睇葉醫生，他仔細聽我哋講太太的病經過同之前的治療，安排立刻再照MRI已經知道是頸神經缐受壓！三天後已經可以做手術。手術非常順利，第二日已經出院。我全家都非常非常感謝葉醫生的專業能力!
簡評:
個人觀感- 判症快捷、合情合理
經歷過程- 醫生會主動探索其病因及治療
推介意見- 值得向有需要人仕推介

註冊專科分類

睇醫生網 Seedoctor