陳嵐醫生

陳嵐醫生醫生- 尋醫經歷詳述:
我媽媽因為在陳嵐醫生診所打了兩針
科興疫苗，因為再想打第三針復必太二價所以預約了陳嵐醫生詢問詳情
醫生態度親切解釋詳盡
但是診所的姑娘態度十分差，我媽媽是傷殘人士，右邊半身不遂
姑娘叫我媽媽量血壓，指示右邊需要脫外套量血壓，我幫媽媽脫外套時他不停地催促，當脫了外套提起右邊衫神預備量血壓時她說為什麼要做右邊呢左邊也可以，我當堂怒火上腦，問她如果可以左邊量血壓為什麼要麻煩一個右邊半身不遂的病人脫右邊衣袖，脫咗邊衣神（那是媽媽活動自如的一邊）就好
他辯解說她不知道我媽媽是半身不遂但是我媽媽因為十多年半身不遂右邊的手而變形旁人一看就知。
結果是他和我爭辯完之後沒有和我媽媽量度血壓。
其實我也不介意沒有量血壓因為我去只不過是做一個諮詢不是看病
陳嵐醫生護士用這樣的態度對待一個傷殘長者是不能接受的。
我和我全家絕對不會再看這個醫生


簡評:
個人觀感- 健談友善、感覺良好
經歷過程- 求診病人實在太多，等候需時
推介意見- 本人絕對不會再作光顧

陳嵐醫生醫生- 尋醫經歷詳述:
櫃檯負責登記既女士，用詞語氣十分差，唔係一般人應有既態度。（登記、配藥、收費、接聽電話）

坐佢隔離個姑娘好似一舊雲咁，無出過聲。（似發夢）

本人睇過無數醫生，第一次感受到被負責登記工作既人員不禮貌的對待。（可能我玻璃心）

想領教或勇於挑戰者可一試。


簡評:
個人觀感- 普普通通、中規中距
經歷過程- 醫護之語調態度令人無所適從
推介意見- 可能人夾人緣自己衡量

陳嵐醫生醫生- 尋醫經歷詳述:
雖然之前有睇過評論話呢間診所姑娘態度有幾差，但我今日都係做左條水魚去試，點知真係中左伏。由於疫情關係睇醫生前要提供快測棒，我一去到俾姑娘睇佢已經話我個快測棒未乾，但其實我係朝早做啲藥水乾咗先會睇落好似一達達咁。我返左屋企再做過快測去診所，姑娘睇完表示過關但冇提我要俾埋醫生睇，我冇為意就扔左支快測，個時佢態度已經轉差，甚至問我點解唔問返佢轉頭仲需唔需要用到支快測，接着開始叫我全名話我態度好差，但我其實由姑至終都冇講過一句難聽既說話，最後我都係太憤怒走咗冇睇到。醫生既精湛醫術我真係無緣領略，但姑娘對人態度已經話俾我知呢間診所我一世都唔會去睇


簡評:
個人觀感- 普普通通、中規中距
經歷過程- 醫護之語調態度令人無所適從
推介意見- 本人絕對不會再作光顧

陳嵐醫生醫生- 尋醫經歷詳述:
完全連醫生都唔想見！姑娘態度由一開始已經非常惡劣，登記時叫我出示身分證，我俾咗澳門身份證，跟住佢睇唔明係乜，再次話：身分證呀。同佢講呢個係澳門身分證，佢話要比香港身份證，態度惡劣，我同佢講話無香港身分證，先接受。
感覺已經覺得佢好差。都係呼呼喝喝的語氣，跟住叫我出示快測，我比張相片，佢先話唔接受相片，要實物，我已經覺得好訝然，電話又無講清楚，同埋邊有人叫人戴住啲鼻涕周圍走？如果驚有假，實物都可以係假，呢個係咩要求？護士堅持話自己有講實物，我諗我如果係電話聽到呢個request，都唔會想睇。
佢叫我係對面買個快測立即做，買完佢又鬧我當場做，唔衛生，我問佢：咁叫人攞住啲鼻涕通街走又好衛生？跟住我話我唔睇，姑娘話：咁就最好啦。
真係唔好意思，連醫生都睇唔到，因為門口都過唔到，姑娘實在太差啦👎👎👎👎👎👎
浪費我時間。


簡評:
個人觀感- 普普通通、中規中距
經歷過程- 醫護之語調態度令人無所適從
推介意見- 本人絕對不會再作光顧

陳嵐醫生醫生- 尋醫經歷詳述:
匪夷所思！登記完我決定不看了
如果陳醫生真如大家所述愛心、耐心、醫德兼備，她和這位護士真是錯配了！領教過躁狂姑娘，不需要再折磨自己去看這位醫生了。不是一般的壞脾氣！


簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇