註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
本人係2022年3月頭，突然呼吸困難，因當時疫情嚴重，所以家人送我到私家醫院，去到醫院，開始呼吸越來越困難，個人開始有抽蓄，醫護即刻進行搶救，做咗檢查，隨咗心跳好快之外，其他都冇太大問題，醫生給我注射鎮靜劑，呼吸開始舒緩沒有在抽搐，留醫三天做咗很多撿查，CT及心臟顯影，醫生只說我過導換氣，我問如果下一次又有問題發生怎辦，他說你都係要返來醫院。之後再上網搜索這個病，原來係要看精神科，不明白醫院個醫生點解唔同我講要看精神科。，經朋友介紹看張醫生，和張醫生傾咗45分鐘，佢好有耐性及細心，確定我有驚恐症及焦慮症，所以會引致過導換氣，經過一年時間，最初由半個月複診一次到每個半個月複一次，今年3月再返去復診，張醫生話，你以經好番哂啦唔需要再嚟複診。我好開心，多謝你張醫生。

簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 值得向有需要人仕推介

經歷詳述:
2021年3月開始見張醫生治療驚恐症，我很慶幸在芸芸醫生中找到他，因為他細心了解我的病情，解釋疾病成因及會出現的症狀。在適當時候建議我用藥，詳細講解藥物會帶來的副作用，用藥初期他會致電給我查詢用藥情況，我很快適應藥物的療效，驚恐症的症狀也被控制下來。之後驚恐症偶然發作，致電張醫生很快他便可以安排我見他，這是令我最安心的。總括而言，張醫生仁心仁術，是濟世良醫，我會推薦他給被精神病患困擾的朋友。

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇

經歷詳述:
本人已經在張醫生診斷一年有多，這一年以內 實在很感謝他親切嘅問診、 細心地詢問我的近況、耐心地聽我訴說，那關懷嘅態度及專業嘅診斷，令我每次睇完醫生，心情都感到很舒服。
同時，亦很感謝每一位姑娘，對於他們每一位都能記得自己，實在感到很驚訝既同時亦感到很溫暖。
記得，起初看醫生後，姑娘及醫生都會致電慰問食藥後嘅情況，那種細心實在令人感到很窩心。 記得有一次需要改時間覆診時，由於要改遲幾天，姑娘很緊張的詢問我是否有足夠嘅藥， 更說他可以安排攞藥到港鐵站給我， 又問我有沒有親人可以先代取，免致有斷藥嘅情況出現 ，那刻聽到，實在感到十分窩心，如此細心及真摯嘅關懷是之前其他醫生未曾遇過的。
所以，期間，知道有朋友有需要，都推介了給他們，他們都有相近類似的窩心經歷和感受。
尤記得起初患病嘅時候，每天只能痛哭心碎時，隨意上網尋找醫生看診，我實在感到自己很幸運，尋找到張醫生及他的團隊，真的要再三多謝他們，讓我能夠很快的回復日常生活。


簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 值得向有需要人仕推介

經歷詳述:
不知不覺已經睇左9個月，每次覆診完都會覺得舒服返好多。慶幸自己搵到個好醫生之餘，更是感恩遇到一個咁好嘅團隊！每次去到啲姑娘都笑面迎人，仲好親切感叫我（個個姑娘都叫得出我個名，好似返左一個好warm嘅屋企，哈哈）
仲有好有耐性嘅心理學家林博士，幫我慢慢解開積累好耐嘅問題
最近仲有兩隻好乖好可愛嘅貓！摸完佢地心情都好d
多謝張醫生建立咗個咁好嘅團隊，睇黎除左係一位好醫生之外，仲係好老闆、好拍檔同埋好貓奴呢!

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
察覺到自己情緒問題已經影響到生理，於是打算尋求專業幫助，正正就係喺到睇到張醫生評價好好而決定一試。
預約嘅時候護士會初步了解你想求診嘅原因，然後第一次應診做咗評估，原來自己係抑鬱症同焦慮症。
全個就醫過程感覺非常良好，護士友善親切盡責，張醫生耐心專業，病症解釋詳盡，及後治療方案亦都仔細清晰，每次覆診都好放鬆同安心。
經過接近一年嘅治療，終於好番好多可以唔使再覆診。
好感恩可以遇到咁專業友善耐心嘅醫療團隊，所以我先好得咁快，任何文字都冇辦法表達我嘅感謝！

最後我好想講，我有一個因為重度抑鬱症而離開咗嘅朋友，所以令我特別注意相似狀況。老套都要講句：病向淺中醫！情緒病其實好常見，大家唔好怕宣之於口諱疾忌醫，一定要相信配合專業治療你係可以痊愈！


簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 已視為本人的必然選擇

註冊專科分類

睇醫生網 Seedoctor