註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
第一次睇王醫生, whatsapp預約咗, 去到都係等咗十分鐘左右就即刻見到醫生, 都有驚喜。登記姑娘講野好大聲, 初初仲以為自己去咗街市添。不過醫生好好, 好細心, 同我傾咗十幾分鐘, 任問唔嬲。用藥到位, 唔會太重, 食完之後都可以精神返工。之後嗰日仲會whatsapp問我有冇好啲, 真心關心病人, 難得既好醫生。

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 不可多得，值得等待

經歷詳述:
小朋友由出世後三個月開始出濕疹, 到現時八個月大, 見過不同兒科和皮膚科醫生, 都只是給類固醇藥物治療, 搽完之後好了一會, 久不久又再復發。有媽媽在告谷中介紹王欣浩醫生是外國家庭醫生, 醫好了好幾位個長期患有濕疹的小朋友。在再沒有其他方法的情況下, 我帶了小朋友去見王醫生, 整個過程喜出望外。首先登記完後, 姑娘見BB睡著了, 安排了一間有小朋友睡床的等候房間, 讓我也可以在內裏休息一下, 不需要和外面的病人一起等候, 就連BB車也幫我安置好, 非常貼心。等了不久, 王醫生入了房間, 見到BB睡著了, 問我冷氣會否太凍, 是否需要關燈, 非常細心。王醫生診症細心, 很詳細的解釋了之前好幾位專科醫生也沒有時間解釋的問題, 讓我終於明白濕疹這回事。王醫生對小朋友好好, 他不建議搽類固醇, 覺得會弄薄BB的皮膚。他給了一隻膏, 他說沒有藥物成分, 對BB將來的皮膚成長會有幫助。我回去之後塗搽了兩三日, BB的濕疹完全退去, 暫時亦沒有再返發。猜不到原來最惡搞的問題, 用了最基本的方法便已經解決。多謝王醫生悉心診症, 特此人留下評語以致感激。

簡評:
個人觀感- 判症快捷、合情合理
經歷過程- 醫生會從病人出發去提供意見
推介意見- 已視為本人的必然選擇

經歷詳述:
王醫生好好呀, 小朋友星期六晚檢測中咗新冠, 我急忙求救。媽媽群組介紹醫生爸爸王欣浩醫生, 話好好, 好細心, 好出名。星期日早上即刻whatsapp佢 24 小時求助熱線, 原本諗住出名嘅醫生點會星期日覆, 點知真係一個鐘頭內即刻覆。係星期日喎, 王醫生竟肯同囡囡視像診症, 解釋清楚唔會係啲乜嘢併發症, 仲教我點樣睇住囡囡嘅情況, 叫我今日有啲乜嘢情況, 都無論如何打畀佢update。真係好好, 囡囡又好鍾意佢, 好值得介紹。一個好有heart嘅醫生！

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 不可多得，值得等待

經歷詳述:
第一次睇王醫生，見佢啱啱進駐青衣開診所，又係青衣第一個醫生吳瑞申醫生既接班人，應該都有信心保證。Dr. Alan 果然名不虛傳，唔單止靚仔，睇症超級細心，又好詳盡解釋，仲用埋大電視同短片解釋發病原因俾我知。攞藥效率迅速，等候亦唔需要5分鐘，仲好貼心有埋「祝你早日康復」貼紙，睇得出王醫生係一個好體貼同關心病人嘅好醫生。傾吓傾吓，原來佢係三月新冠肺炎第五波最巔峰嘅時候一路幫市民接電話，嗰陣時仲喺醫院做緊嘢，放咗工就去義診，真係好好人，係我必然之選！

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 不可多得，值得等待

經歷詳述:
bb 中左Covid19，由於對藥物知識認知吾多，經徐曉杰議員轉介約 Dr.Wong ，佢好詳細咁為我哋分析幾時要去醫院，增加對藥物嘅認知，喺夜晚十一二點問佢關於退燒藥嘅問題都好有耐性地解答🙏🏻🙏🏻🙏🏻😭

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

註冊專科分類

睇醫生網 Seedoctor