註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
媽媽只膝頭哥痛咗成半年，自費做左MRI，要揾骨科醫生解釋報告。網上見到好多人讚黃醫生，抱住試下心態約左中環診所。黃醫生好仔細解釋左份報告及相關治療方法，之後我哋提出好多問題，黃醫生一一解答晒，非常有耐性，没有一點不耐煩。

因為膝頭哥两軟骨已磨晒，我哋選擇做手術。手術費好貴！但係做手術可大可小，我哋屋企人都覺得要揾個好醫生！上次見完黃醫生覺得佢對病人有耐性又細心，上网睇左D人留言，更增加了對佢的信心，所以請黃醫生報價。當聽到我哋没有保險又係公立醫院病人，黃醫生主動提出可安排向有優惠的醫院申請幫媽媽進行手術，嘩! 真係好感動阿！

黃醫生對病人耐性和專業，為病人着想，主動提出幫手，真係好難得！


簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
本人是一位長者，因腰痛，走路時也痛到幾乎不能行，要用拐杖和步行架才可慢慢行走，雙腳經常痺痺痛。

在私家醫院看過普通科和專科也沒有用，照X-ray後只說拉傷及肌肉勞損，只轉介物理治療，沒有建議我做MRI。做了四、五次物理治療也沒有進展，疼痛持續加劇。

持續痛了一個零月，由於疼痛難忍，家人網上找到黃醫生，診症後再照MRI，得知是脊骨有一節有裂痕，即時安排第二天找人上門做一個腰封，戴了個零月骨已生返。

現時沒有戴腰封已近兩個多月，行路比之前好了很多雖然仍要拐杖(短路程可不用)，行得耐有少許累和少許痛，可能同本人年紀大和有骨質疏鬆有關。

黃醫生在第一次診症時，知道我有骨質疏鬆，已即時寫信給轉介去醫骨質疏鬆，真是很好人同細心。

黃醫生講解仔細，對長者有耐性，感謝黃醫生的診症，我走路也不再感到劇痛。


簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
數年前我媽媽不幸患上骨質疏鬆，在家庭醫生的診斷下，已持續服用了兩年治療骨質疏鬆的口服藥，惟病情未見好轉反而變得更差，又因口服藥物的副作用致頻繁出現腸胃不適，甚至影響到日常生活，同時也承受不少心理壓力，最後便決定向專科求診。
初次應診已覺得診所不論黃醫生或是姑娘也非常專業，和藹親切，先靜心聆聽和安撫病人對過去治療無效的無助和失望，隨之詳細講解了各種治療骨質疏鬆的方法、成效及預期康復進度。其後每次覆診時都耐心回答病人的疑問，除了就骨科問題上提供寶貴和專業的意見，對於非本科的問題也熱心解答，不但令媽媽骨質疏鬆的狀況終有了起色，連久病未癒的腸胃問題現已大大改善。
在屢屢碰壁的求醫路上，感恩幸運讓我媽媽遇上黃醫生這位仁醫，醫術精湛不在話下，更難能可貴的是醫生對病人無微不至的關懷及身心上的支援，給予病人信心可以早日康復。衷心的感激黃醫生為我媽媽提供合適的治療！

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇

經歷詳述:
本人早前因坐骨神經痛以至行走困難, 我家人很幸運地找到黃醫生這位仁醫, 經過醫生細心檢查後, 發現是椎管狹窄壓倒神經線引至, 替我動了手術, 手術後第二日便可企起身行走, 另我可以重拾健康。我和我的家人都十分感激，亦很多謝過程中他的醫護團隊細心解答及協助，另我的家人放心。
祝願黃醫生健康、快樂長壽,幫助更多有需要的病人


簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
經評論傳媒介紹，以為搵到個有醫德醫生，第一次上去帶埋 MRI 黃醫生 話我腰椎間盤脫落 L4L5,S3S1. 腰椎狹窄症 當日上去佢已見我雙腳無力，只有過來人才會明白受到神經壓迫住雙腳痛到寸步難行。當日黄醫生講我腰椎嚴重要立即做手術。手術費需要48至50萬，又拎螺絲出來講要用最好螺絲，我已經痛多年，係2020開始一直嚴重2021年更加嚴重 惡化，
以為自己搵到個有良知好醫生，點知佢知道我2020年做完頸椎後，部分醫療費又要用保險就一直轉話題叫我去瑪麗醫院，我話我係新界住無啦啦去瑪麗醫院？政府醫院係點大家心照，無啦啦做幫你做手術？
如果係市民就唔使買保險睇私家醫生，自保自救啦…仲要自己拖延病痛。。。
非常無奈拎住佢封信，佢再三講去到急症室唔到佢唔收。
我再三問黄仕雄我會去瑪麗醫院急症室，如果瑪麗醫院唔幫我做手術，你會幫我做？佢話一定會。
大年初八我拎住佢封信去到瑪麗醫院急症室，的確收左我入院，
搞咗一日又做二三次檢測，終於上房，再等床位，第二日就叫我出院。理由係我住新界北區走來香港東區？
本身寸步難行仲要彼啲無良醫生咁玩法。家人見到我咁痛法大小便都開始難忍情況下，6/6/2022 陪同我再去黄仕雄度睇，佢又話幫我做手術，但要等到三月尾，手術費30幾至40萬。
我曾問佢個手術要做幾多個小時，佢答我做9小時。
係二人應診中黄仕雄一直都係開住佢做手術錄影帶不斷自講自語。呢個錄影帶係 YouTuber都可以見到。
三月尾不見蹤影，亦無報價彼我亦無搵姑娘搵我安排做手術安排。4月份我打電話彼佢姑娘，終於等佢回電話彼我，電話中依然廢話一堆問點解瑪麗醫院唔幫我做？佢介紹去病人個個都做。
我問佢而家佢幫我做手術叫佢報價彼我和安排醫院，因為我相信佢一直係度等佢，點知佢叫我去佢朋友做個神經測試好平3300元係中環卡 佛大厦，家人請假第二日即刻陪我去做。
去到簡單神經測試後，個醫生講即日將報告sd去黄仕雄度，我等了幾日自己打電話去黄診所竟然同我講未有報告。同日佢姑娘回覆我講神經線無事黄醫生講你不需要做手術。
我照了MRI.,二三次清楚了解腰椎間盤問題，第一次黄仕雄 診症依照我 MRI報告判斷出來。
今日一拖再拖延，你自己無能為力可以唔幫我做手術，但唔應該拖延我病症？！我們上去睇醫生並非每次都係要睇你播放錄影帶介紹，一次已足夠。既然你黄仕雄無把握做呢個手術點解唔可以直接出聲？！3月份你講呢個手術要做九小時我都覺得有問題。第一做減壓。第二做L 4.5 上螺絲固定。何來九小時？！仁慈並非做出來有傳媒報道就叫仁醫。身心要合一。無德無能就唔好拖延病人👌感恩！！！
至少你真係拖延我。加深我病症受盡痛症折磨。害咗我對所謂仁心仁術專科名醫失去信心！！！
醫生並非只會下下用上 紙上談兵！
講到天下第一係無意思架！
以上事情經過句句屬實








簡評:
個人觀感- 態度有失、醫德有損
經歷過程- 醫生會清晰明確的講解其病情
推介意見- 本人絕對不會再作光顧

註冊專科分類

睇醫生網 Seedoctor