註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
因為只有她可以預約當日馬上看診, 所以貪方便, 無去自己熟悉的醫生度, 事實證明, 可以即日預約到的眼科醫生, 都系要小心D...

普通眼角膜發炎, 誇大到好似要看免疫系統科咁, 可能知道有保險, 極度拖症:
1. 第一次看, 雖然不是結膜炎, 說需要判斷是否細菌造成, 開了抗生素, 隔日復診
2. 果然抗生素無用, 開了類固醇, 隔日複診
3. 不再開新藥, 叫每日滴多兩次類固醇, 三日後復診

大佬啊, 一個星期要返黎俾幾多次錢你賺先夠啊...... 庸醫就可能天資問題, 但品格衰就真系個人的問題.... 毫無醫德可言
簡評:
個人觀感- 診效不顯、收費不稱
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
我兩年多前眼睛看東西開始發現有重影，看過很多不同類別醫生，包括腦神經科，內分泌科，中醫，眼科，針灸，但一直也找不到原因，吃過不同類型的藥物也沒有好處。有一次朋友講開佢自己去希瑪眼科睇過，跟住我又去試吓，經過其他醫生轉介俾劉醫生，佢話我應該係先天性內斜視，可能係我之前年紀仲輕可以自己控制到，但係年紀開始大同埋有老花會令到眼睛肌肉控制唔到，所以嘅車匙會越嚟越明顯。所以醫生幫我進行了斜視矯正手術。經過1小時的手術，我而家睇嘢完全冇晒重影，非常清楚，解決了我困擾兩年嘅煩惱。所以我覺得劉醫生係非常之專業，態度好友善，又解釋得好清楚
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
朋友介紹話佢詳細、有耐心，又話做過無國界醫生，點知完全相反，中伏，唔使錢都唔會再幫襯👎👎👎
我入去將自己嘅問題講佢知，話係另一個醫生做完白內障睇唔清楚，可能係同一個集團嘅醫生關係，佢已經好不耐煩，叫我搵返嗰個醫生跟進，連普通眼嘅問題都只係敷衍回答，態度仲極臭串，真係想知今次佢係咪唔收錢先？ 如果搵返同一個醫生可以解決，我就唔使轉醫生啦，佢都無腦。
仲老點我，想由佢轉介返我去對上個醫生，當然拒絕啦，仲比佢搵笨咩！！！
睇返之前評語，原來佢不嬲係咁臭串，對拎公司卡嘅客人態度惡劣，真難明點解有呢啲咁嘅眼科醫生👎👎👎！
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
我約左時間, 但竟然其他病人booking遲過我但快過我睇症囉! 我問姑娘之後呢個劉凱珊仲話叫我等多1-2個! 咁樣miss左我都得喎, 如果我無留意就白白坐喺度等! 我等左足足1個多小時先可以睇!

呢個劉凱珊勁串! 又唔耐煩! 我都未問問題已經好似覺得我好煩, 想趕我走! 我等左1個鐘有多, 但入左去5分鐘都無就想趕我走咁!

係咪因為我用醫療卡就咁差既態度!!!! 無醫德呀! 完全唔會解釋畀我知, 叫我可以考慮做手術, 但又唔會解釋手術係點做, 有咩風險, 我問佢有咩風險, 佢答我:" 一定有少少架喇, 不過你可以考慮做" 咁就答完! 答左等於無答!

問其他野又係好唔耐煩, 望都唔會望你, 只會望住個電腦, 或者一邊寫野一邊答, 完全唔識尊重人!

我係病人要了解清楚自己狀況好正常呀! 而且係眼睛呀! 問清楚都要畀自己知道點樣保護自己隻眼! 但我問佢, 佢只會講 "無關係架....無關係架...." 完成hea答, 唔想答你咁囉!!!

就算有幾忙, 都應該顧及病人感受, 我睇完佢覺得好難受! 好似覺得自己打擾到佢咁!!!

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
醫生没有耐性，只能聽她的意見，没有機会說出本人病情及發問。完全未能感覺到她的同理心。医生忙於看着电腦，極少眼神交流。失望。隔天，上網再揾另一眼科專科（based on good comments), 天與地之分別。

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

註冊專科分類

睇醫生網 Seedoctor