註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
本人是長者，從來沒有寫過網評，非常開心自己選對了醫生. 近期視力差了很多，看了三個眼科醫生問症瞭解，最終選擇了許醫生。憑着他的細心，醫術經驗和網上評語給我很大的信心.我已完成右眼白內障手術了，第二日眼睛視力完全清淅，十分感謝醫生！
我8日後再做埋左眼就不用靠那又厚又重的眼鏡了，十分期待！

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
我媽媽係參加咗政府耀眼行動轉介搵私家醫生做白內障手術，因為媽媽白內障好熟又得返一隻眼可以睇到野我哋心理壓力都比較大，又無朋友介紹相熟醫生，唯有自己網上做下功課前后搵咗幾個醫生作參考。本身政府包咗免費搵2位醫生首次診症，可能係因為政府轉介原因，之前兩位醫生都唔係好重視我哋嘅擔心，無詳細解釋到我哋嘅疑慮。為求安心自己俾錢再搵多2個醫生作比較。許醫生係我哋決定幫媽媽做手術的最終人選，咁啱當日等見醫生隔離坐咗位病人剛做完白內障手術俾姑娘拆緊紗布，媽媽主動問起個位女士手術過程，得知呢位女士佢朋友及屋企人都係搵許醫生做咗白內障手術，宜家自己也搵許醫生做，有前車之監令我哋更有信心。等到見到許醫生時我哋將心裏的顧慮全部講咗俾醫生聽，醫生幫媽媽做了基本檢查之後又擴大了瞳檢查眼底，同我哋解釋咗病情及手術過程同埋晶體選擇，講得好詳細，令我哋好放心。當日即安排咗手術日期。媽媽做完手術當日拆咗紗布睇野即刻清楚晒，媽媽好開心，但醫生話因為白內障太熟所以眼角膜有啲腫，下星期返來覆診會再睇得好啲。一星期後覆診驗眼媽媽睇到個好細E字連我都睇唔到，姑娘讚媽媽宜家嘅視力好過我，媽媽跟讚醫生做得好，搵咗幾個總算搵到個經驗豐富又細心嘅醫生幫到媽媽，好多謝許醫生的幫助。將來身邊的朋友家人都會推薦睇許醫生，本人也借監於此希望給人家一個參考。

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:

我係一個特別容易生眼瘡嘅人，一年最少都會生幾次，有時做熱敷同埋搽消炎藥膏會自己好返。有時眼瘡大粒咗自己好唔返就要去搵醫生𠝹，呢幾年已經幫襯過幾個醫生，本來想搵返自己睇開個醫生又就唔到我放假時間。於是喺網上搵到許鍵文醫生診所即打電話預約時間，聽電話個姑娘即刻加咗個位俾我第二日一早睇，因為隻眼已經試過熱敷同埋用藥都完全冇好返的跡象，而且仲越嚟越腫整到隻眼都變細埋。得知第二日一早都可以加多個位俾我睇真係好感激。當日上到診所登記同做檢查，坐咗一陣就到我見醫生，入到醫生房許鍵文醫生主動同我打咗個招呼叫我坐低先，於是問我隻眼點樣，經過一輪問症後就開始幫我滴左啲藥水做檢查，檢查完就同我講粒眼瘡咁耐都唔散又試過熱敷同滴藥水已經冇紅就算再用藥都幫唔到我太多，最快嘅方法就係做個小手術清走啲膿。我今次正係想盡快𠝹咗粒瘡，之前有晒經驗即刻話ok，之後醫生叫我出邊坐坐先，一陣姑娘會安排幫我滴麻醉藥，等麻醉完成再做手術。姑娘非常體貼一邊滴藥水一邊安慰我叫我唔使驚一陣間做手術除咗打針少少痛手術過程係一啲都唔會痛。睇住啲病人出出入入一輪之後終於到我做手術喇，個手術好快完成咗又真係除咗打針個下痛成個手術一啲都唔痛，宜家做完手術4日已經完全好返曬。真係要分享下今次愉快的睇醫生經歷，手術過程以之前嘅經驗對比呢次真係一啲都唔痛，一來姑娘好為病人著想落麻醉藥夠同埋醫生又細心溫柔整個過程完全感受唔到手術的痛楚。希望要𠝹眼瘡嘅人又怕痛嘅人有個參考，咁多次𠝹瘡經驗呢次係我覺得完全唔痛嘅一次。

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇

經歷詳述:
一個禮拜之前睇話我好返隻眼吾洗再返黎睇 跟住本身冇諗住返嚟睇點知個姑娘打嚟話我一定要返去複診 入到去個醫生同我講咗8秒野都無話好返架啦跟住叫我走收左$800 坐低一陣再出返去 明明隻眼我自己都覺得好返好多 姑娘上個禮拜先話唔使返嚟睇好返 點知今日無啦啦話我一定要返嚟 原來係一定要返嚟呃我錢😅😅😅

簡評:
個人觀感- 診效不顯、收費不稱
經歷過程- 診証時間極其急趕，快來快去
推介意見- 已視為本人的必然選擇

經歷詳述:
首次經本網站睇許醫生，果然如評價般細心詳盡，難怪睇症的人大排長龍，護士亦十分親切有禮。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

註冊專科分類

睇醫生網 Seedoctor